వరదలు వచ్చి సర్వస్వం కోల్పోయిన బాధితుల దగ్గరికి వచ్చి రాజకీయాలు చేయొద్దని కేంద్ర మంత్రి, బీజేపీ స్టేట్చీఫ్ కిషన్రెడ్డి అన్నారు. జయశంకర్భూపాలపల్లి జిల్లాలో ఇటీవల కురిసిన భారీ వర్షాలకు సర్వస్వం కోల్పోయి దిక్కుతోచని స్థితిలో ఉన్న మోరంచపల్లి గ్రామస్థులను ఆయన జులై 30న పరామర్శించారు.
బాధితులను రాష్ట్ర ప్రభుత్వం ఆదుకోవాలని డిమాండ్ చేశారు. కేంద్ర ప్రభుత్వం ఇచ్చిన విపత్తు నిర్వహణ నిధులు రూ.900 కోట్లు రాష్ట్ర వాడుకోవాలని సూచించారు. వాటితో వరద బాధితులను ఆదుకోవాలని కోరారు. బాధితులకు ప్రభుత్వం ఇచ్చే రూ.4 లక్షల్లో... రూ.3 లక్షలను కేంద్రమే చెల్లిస్తుందని కిషన్ రెడ్డి చెప్పారు.
గ్రామంలో దాదాపు 325 ఇళ్లు దెబ్బతిన్నాయని అన్నారు. వరద బాధితులకు సమాజం అండగా నిలవాలన్నారు. అనంతరం పబ్లిక్ తో మాట్లాడి ఓదార్చారు. రాష్ట్రంలో వర్షాలు సృష్టించిన బీభత్సాన్ని క్షేత్రస్థాయిలో పరిశీలించేందుకు జులై 31న కేంద్ర బృందాలు వస్తున్నాయని.. బాధితులకు బీజేపీ ప్రభుత్వం ఎప్పుడూ అండగా ఉంటుందని భరోసా ఇచ్చారు.
