జీడిమెట్ల, వెలుగు: కన్నకూతురితో అసభ్యంగా ప్రవర్తించిన తండ్రికి కూకట్పల్లి ఫాస్ట్ట్రాక్ స్పెషల్కోర్టు జీవితఖైదు, రూ.50 వేల జరిమానా విధించింది. పోలీసుల వివరాల ప్రకారం... జగద్గిరిగుట్ట పరిధిలో నివాసముండే వ్యక్తి 2024లో అతని 5వ తరగతి చదువుతున్న కూతురు స్నానం చేస్తుండగా డోర్ తీసి అసభ్యంగా ప్రవర్తించాడు. ఈ విషయం బాలికి తన తల్లికి చెప్పడంతో భర్తను ప్రశ్నించింది.
దీంతో అతడు ఇద్దరిని బెదిరించాడు. గతంలో సైతం తనతో అసభ్యంగా ప్రవర్తించాడని కూతురు తల్లికి చెప్పడంతో తట్టుకోలేక పోయిన తల్లి.. పోలీసులకు ఫిర్యాదు చేసింది. దీంతో అప్పటి సీఐ క్రాంతికుమార్ కేసు నమోదు చేసి సాక్షాధారాలతో నిందుతుడిని అరెస్ట్ చేసి, కోర్టులో హజరు పరిచారు. కేసు పరిశీలించిన ఫాస్ట్ట్రాక్ కోర్టు జడ్జి అమరావతి అనీల్గౌడ్కు బుధవారం వ్యక్తికి జీవిత ఖైదు, రూ.70వేల జరిమానా విధించింది.
