లిక్కర్ఫ్యాక్టరీలు, డిస్టిలరీలు చాలా రకాల బ్రాండ్ల మద్యం, బీర్ల ఉత్పత్తిని ఆపేశాయి. ప్రభుత్వం నుంచి రావాల్సిన బకాయిలు పేరుకు పోవడంతో డిస్టిలరీలు చేతులెత్తేసినట్టు చెప్తున్నారు. రెండు నెలల నుంచి సరిపడా లిక్కర్, బీర్లు మార్కెట్లోకి రావడం లేదు. మార్కెట్లో డిమాండ్ఉన్న చీప్ లిక్కర్తో పాటు వివిధ కం పెనీల లిక్కర్, బీర్లు దొరకడం లేదు. బేవరేజెస్కార్పొరేషన్గోదాముల్లో ప్రస్తుతం రేషన్ విధించారు. 50 రోజుల నుంచి రాష్ట్రంలోని 19 బేవరేజెస్ డిపోల్లో చీప్ లిక్కర్ స్టాక్ లేదు. లిక్కర్, బీర్ల కోసం మూడు, నాలుగు రోజుల దాక వెయిట్ చేయాల్సివస్తోంది. వైన్షాపుల్లో పది రకాల చీప్ లిక్కర్ బ్రాండ్లు వైన్స్ సేల్అవుతుంటాయి. కానీ షార్టేజ్ వల్ల కేవలం మూడు రకాల బ్రాండ్లు మాత్రమే అమ్ముతున్నారు. చీప్ లిక్కర్లో టాప్ రేంజ్లో ఉండే డౌన్టౌన్, గుడ్ డే బ్రాండ్లు సప్లై జరగడంలేదు. మీడియం, ప్రీమియం బ్రాండ్స్లో కూడా 10 0 పైపర్స్, బ్లెండర్ స్పైడ్, ఐబీ, రాయల్ స్టాగ్ వంటి బ్రాండ్లే దొరుకుతున్నాయి. మీడియం బ్రాండ్లు మార్కెట్లోకి రావడం బంద్ అయ్యింది. రూ.150లు పలికే బీర్లు స్టాక్ లేవని చెపుతున్నారు. కమీషన్ ఎక్కువగా వచ్చే స్ట్రాంగ్ బీర్లను మాత్రమే ఉత్పత్తి చేస్తున్నారని, నార్మల్ రేంజ్లో కింగ్ఫిషర్లైట్ తప్ప ఇతర బ్రాండ్లు లిక్కర్ డిప్లోల్లో స్టాక్ లేవని చెప్తున్నారు.
పేరుకు పోయిన బకాయిలు
బీఆర్ఎస్ప్రభుత్వం కంపెనీలు సప్లై చేసిన మద్యానికి డబ్బులు చెల్లించకపోవడంతో బకాయిలు పేరుకు పోయాయి. డిస్టలరీలు, బ్రూవరీస్లకు ప్రభుత్వం ఇష్యూ ధర (ఉత్పత్తి ధర) ఎప్పటికప్పుడు చెల్లించాల్సి ఉంటుంది. కానీ ప్రభుత్వం కంపెనీలకు డబ్బులు ఇవ్వకుండా లిక్కర్ మీద వచ్చిన ఆదాయాన్నంతా ప్రభుత్వం తన అవసరాలకు వాడుకుంది. దీంతో ఒక్కో కంపెనీనీకి సుమారు రూ.4,5 కోట్ల వరకు బకాయిలు ఉన్నాయి. ఇప్పుడీ బకాయిలు చెల్లిస్తే తప్ప లిక్క ర్, బీర్లు ఉత్పత్తి చేయమని కంపెనీలు చెప్తున్నాయి. కమీషన్ఎక్కువగా వచ్చే బ్రాండ్లను మాత్రమే కొంతవరకు సప్లై చేస్తున్నాయేగానీ, మార్కెట్ అవసరాలకు తగ్గట్టు సరుకు పంపడంలేదు. దీంతో రెండు నెలలుగా పలు జిల్లాలో లిక్కర్సేల్స్భారీగా పడిపోయాయి. రాష్ట్రంలో లిక్కర్సేల్స్ లో మొదటి స్థానంలో ఉండే నల్గొండలో ఒక్క ఫిబ్రవరిలోనే రూ.2.54 కోట్ల అమ్మకాలు పడిపోయాయి. నల్గొండ, హుజూర్నగర్, సూర్యాపేట నియోజకవర్గాల్లో సేల్స్ బాగా తగ్గిపోయాయి.
పొరుగు రాష్ట్రాల నుంచి కూడా రావట్లే..
గతంలో లిక్కర్ కొరత వచ్చినప్పుడు కర్నాటక, మహారాష్ట్ర నుంచి తెలంగాణకు సప్లై జరిగేది. కానీ బకాయిలు చెల్లించకపోవడంతో ఇతర రాష్ట్రాల నుంచి మందు సప్లై చేయడంలేదు. దీనికి తోడు ఎన్నికల కోడ్కూడా సేల్స్ పై ప్రభావం చూపుతోంది. డబ్బు, బంగారం పైన ఆంక్షలు పెట్టినట్టుగానే లిక్కర్ సేల్స్ పైన కూడా ఎన్ని కల కమిషన్ నిఘా పెట్టింది. ప్రతి రోజు లిక్కర్ సేల్స్ సమాచారం చెప్పాలని, ఎక్కడి నుంచైనా భారీగా లిక్కర్ డంప్ అయినట్టు తెలిస్తే వెంటనే తనిఖీలు చేయాలని ఎన్నికల అధికారులు ఆదేశించారు. ఈ నేపథ్యంలో రాష్ట్రం నలువైపులా, అంతరాష్ట్ర సరిహద్దుల్లో చెక్ పోస్టులు ఏర్పాటు చేశారు. ఎక్సైజ్ డిపార్ట్మెంట్, ఎన్ఫోర్స్మెంట్, స్పెషల్ టాస్క్ ఫోర్స్ బృందాలు నిఘా వేశాయి. మరోవైపు కరువు ప్రభావం కూడా లిక్కర్ సే ల్స్ పైన కనిపిస్తోంది.
