అల్వాల్, వెలుగు: మద్యం మత్తులో మహిళతో అసభ్యంగా ప్రవర్తించిన వ్యక్తిని స్థానికులు చెట్టుకు కట్టేసి కొట్టారు. ఈ ఘటన అల్వాల్ పీఎస్ పరిధిలో జరిగింది. ఓల్డ్ అల్వాల్కు చెందిన శేఖర్(28) బుధవారం రాత్రి ఫుల్లుగా తాగి ఓ మహిళతో అసభ్యంగా ప్రవర్తించాడు.
దీంతో స్థానికులు అతడిని చెట్టుకు కట్టేసి చితకబాదారు. అనంతరం డయల్ 100కు సమాచారం ఇచ్చారు. పోలీసులు అక్కడికి చేరుకుని శేఖర్ను అదుపులోకి తీసుకుని పీఎస్ కు తరలించారు. అల్వాల్ ఇందిరాగాంధీ చౌరస్తా వద్ద మందుబాబులు ప్రతిరోజు హల్ చల్ చేస్తున్నారని.. పోలీస్ చెక్ పోస్టును అక్కడ ఏర్పాటు చేయాలని స్థానిక మహిళలు డిమాండ్ చేశారు.
