జీవీ ప్రకాష్ కుమార్, ఐశ్వర్య రాజేష్ జంటగా నటించిన కామెడీ ఫ్యామిలీ డ్రామా ‘డియర్’. ఆనంద్ రవిచంద్రన్ దర్శకుడు. వరుణ్ త్రిపురనేని, అభిషేక్ రామిశెట్టి, జి పృథ్వీరాజ్ నిర్మించారు. తాజాగా ఈ చిత్రం నుంచి ‘భలే వెడ్డింగ్.. సూపర్ సెట్టింగ్’ అంటూ సాగే పాటని విడుదల చేశారు. హీరోగా నటిస్తూనే ఈ చిత్రానికి మ్యూజిక్ కూడా అందించాడు జీవీ ప్రకాష్. తను కంపోజ్ చేసిన ఈ మెలోడీ సాంగ్ ఆకట్టుకుంది.
రాకేందు మౌళి లిరిక్స్ రాయగా, నారాయణన్ రవిశంకర్, సింధూరి విశాల్ గ్రేస్ ఫుల్‌‌‌‌గా పాడిన తీరు ఇంప్రెస్ చేస్తుంది. ఈ పాటలో జీవీ ప్రకాష్ కుమార్, ఐశ్వర్య రాజేష్ పెళ్లి వేడుకలో సందడి చేస్తూ కనిపించారు. వీరిద్దరి మధ్య కెమిస్ట్రీ బ్యూటిఫుల్‌‌‌‌గా ఉంది. తమిళంలో ఏప్రిల్ 11న ఈ సినిమా విడుదలవుతుండగా, ఒక రోజు గ్యాప్‌‌‌‌తో ఏప్రిల్ 12న తెలుగు వెర్షన్ రిలీజ్ అవుతోంది. ఈ మూవీ ఆంధ్ర రైట్స్‌‌‌‌ను అన్నపూర్ణ స్టూడియోస్, తెలంగాణ రైట్స్‌‌‌‌ను ఏషియన్ సినిమాస్ సంస్థలు కొనుగోలు చేశాయి.
