- పెండింగ్ నిధుల కోసం ప్రయత్నిస్తున్నరు: మల్లు రవి
హైదరాబాద్, వెలుగు: సీఎం రేవంత్రెడ్డి తన సొంత ప్రయోజనాల కోసం ఢిల్లీకి వెళ్లడం లేదని పీసీసీ సీనియర్ ఉపాధ్యక్షుడు మల్లు రవి అన్నారు. రాష్ట్రంలో పెండింగ్లో ఉన్న ప్రాజెక్టులను క్లియర్ చేయడానికి, పెండింగ్ నిధులను తీసుకురావడానికే రేవంత్ ఢిల్లీకి వెళ్తున్నారని చెప్పారు.
రేవంత్ ను ఢిల్లీకి సబ్ సర్వెంట్ అంటూ బీజేపీ నేత ఎన్వీఎస్ఎస్ ప్రభాకర్ అనడం సరికాదని తెలిపారు. ఆదివారం మల్లు రవి ఈ మేరకు ఓ పత్రిక ప్రకటనను విడుదల చేశారు. ప్రభాకర్ ఈ వ్యాఖ్యలను వెనక్కు తీసుకుని సీఎం రేవంత్ కు క్షమాపణలు చెప్పాలని ఆయన డిమాండ్ చేశారు.
పదేండ్లపాటు రాష్ట్రంలో కేసీఆర్ ఏ పనులూ చేయలేదని, కేంద్రం నుంచి రావాల్సిన నిధులు తేలేదని మల్లు రవి విమర్శించారు. నిధుల లేమితో సమస్యలు ఎక్కడికక్కడ పేరుకుపోయాయని పేర్కొన్నారు. అన్ని శాఖల మంత్రులతో సీఎం రేవంత్ భేటీ అయ్యి రాష్ట్రానికి రావాల్సిన నిధులు, హక్కుల కోసం ప్రయత్నాలు చేస్తున్నారని మల్లు రవి వెల్లడించారు. బండి సంజయ్అబద్ధాలకు బ్రాండ్అంబాసిడర్లా మరారని విమర్శించారు. గోబెల్స్ కు వారసుడిలా ఆయన తీరుందని మండిపడ్డారు.
