ఆదిలాబాద్ జిల్లాలో దారుణం జరిగింది. తాగి గొడవ చేస్తున్నాడని ప్రశ్నించినందుకు స్నేహితుడిని గొంతు నులిమి చంపేశాడు ఓ వ్యక్తి. ఆదిలాబాద్ జిల్లా కేంద్రంలోని బంగారి గూడలో జరిగిన ఈ ఘటనకు సంబంధించి వివరాలిలా ఉన్నాయి.. బంగారి గుడకు చెందిన షేక్ జమీర్, రాజేష్ ఇద్దరు స్నేహితులు. తాగి గొడవ చేస్తున్నాడని జమీర్ ను ప్రశ్నించాడు రాజేష్. ఈ క్రమంలో మద్యం మత్తులో రాజేష్ తో వాగ్వాదానికి దిగాడు జమీర్.
రాజేష్, జమీర్ మధ్య వాగ్వాదం తీవ్ర స్థాయికి చేరింది. ఈ క్రమంలో స్నేహితుడు అన్న విచక్షణ కూడా లేకుండా రాజేష్ గొంతు నులిమి ఇసుకలో తొక్కి చంపేశాడు జమీర్. సమాచారం అందుకున్న పోలీసులు జమీర్ ను అదుపులోకి తీసుకున్నారు.
ఈ ఘటనపై కేసు నమోదు చేసి దర్యాప్తు చేస్తున్నారు పోలీసులు. ఈ హత్య పై సోషల్ మీడియాలొ రేచ్చగోట్టేలా వైరల్ చేస్తే కఠిన చర్యలు తీసుకుంటామని.. జిల్లాలో పోలీస్ 30 యాక్ట్ ఉందని..ఆందోళనలు చేస్తే చర్యలు తీసుకున్తమని హెచ్చరించారు పోలీసులు. రాజేష్ మరణంతో అతని కుటుంబం విషాదంలో మునిగిపోయింది.
