Manav Suthar: న్యూ చండీగఢ్ లో ఆఫ్ఘనిస్తాన్తో జరుగుతున్న ఏకైక టెస్ట్ మ్యాచ్లో ఇండియన్ డెబ్యూ ప్లేయర్ మానవ్ సుతార్ (Manav Suthar) హిస్టారికల్ రికార్డులతో చరిత్ర తిరగ రాశాడు. తన కెరీర్లో ఆడుతున్న మొట్టమొదటి టెస్ట్ మ్యాచ్లోనే ఈ 22 ఏళ్ల లెఫ్ట్ ఆర్మ్ స్పిన్నర్ ఆఫ్ఘన్ బ్యాటర్లను తన స్పిన్ మాయాజాలంతో తిప్పలు పెట్టి చెడుగుడు ఆడుకున్నాడు.
152 రన్స్కే ఆఫ్ఘన్ ఆల్ అవుట్:
ఈ మ్యాచ్లో మానవ్ సుతార్ కంట్రోల్, లైన్ అండ్ లెంగ్త్తో బౌలింగ్ చేస్తూ ఆఫ్ఘనిస్తాన్ ఇన్నింగ్స్ను ఒంటిచేత్తో కుప్పకూల్చాడు. కేవలం 33 రన్స్ మాత్రమే ఇచ్చి ఏకంగా 6 వికెట్లు (6/33) పడగొట్టి ఆఫ్ఘన్ జట్టుకి నరకం చూపించాడు. సుతార్ దెబ్బకు ఆఫ్ఘనిస్తాన్ తన తొలి ఇన్నింగ్స్లో కేవలం 152 పరుగులకే ఆల్ అవుట్ అయిపోయింది. దీంతో టీమిండియా ఈ టెస్ట్ మ్యాచ్పై తిరుగులేని పట్టు సాధించింది.
38 ఏళ్ల రికార్డు బ్రేక్ చేసిన సుతార్:
డెబ్యూ మ్యాచ్లోనే 6 వికెట్లు తీసిన మానవ్ సుతార్.. భారత క్రికెట్ చరిత్రలోనే ఎవరికీ సాధ్యంకాని రేంజ్లో రికార్డు పుస్తకాల్లోకి ఎక్కాడు.
* భారత్ తరఫున సెకండ్ బెస్ట్: డెబ్యూ టెస్ట్ ఇన్నింగ్స్లోనే అత్యుత్తమ బౌలింగ్ ఫిగర్స్ నమోదు చేసిన భారత బౌలర్లలో సుతార్ (6/33) ఇప్పుడు రెండో స్థానానికి చేరాడు.
* నరేంద్ర హిర్వాణీ రికార్డ్: 1988లో వెస్టిండీస్పై 8/61 వికెట్లు తీసిన నరేంద్ర హిర్వాణీ మాత్రమే ఈ లిస్టులో టాప్లో కొనసాగుతున్నాడు.
* దిగ్గజాలను దాటేసిన సుతార్: గతంలో రికార్డులు క్రియేట్ చేసిన అబిద్ అలీ (6/55), దిలీప్ దోషి (6/103)లను వెనక్కి నెట్టి సుతార్ హిస్టరీ క్రియేట్ చేశాడు.
ఈ శతాబ్దంలోనే రెండో ప్లేయర్:
భారత క్రికెట్లో రవిచంద్రన్ అశ్విన్, మహ్మద్ షమీ, అక్షర్ పటేల్ వంటి ఎందరో దిగ్గజాలు తమ డెబ్యూ టెస్ట్ మ్యాచుల్లో 5 వికెట్లు తీసినప్పటికీ.. అవన్నీ మ్యాచ్ రెండో ఇన్నింగ్స్లో తీసినవి. కానీ, ఆడుతున్న మొదటి టెస్ట్ మ్యాచ్ తొలి ఇన్నింగ్స్లోనే 5 వికెట్ల మార్కును దాటిన ఘనత ఈ 21వ శతాబ్దంలో కేవలం ఇద్దరికే దక్కింది. 2008లో ఆస్ట్రేలియాపై అమిత్ మిశ్రా 5/71 వికెట్లు తీయగా, ఇప్పుడు (2026) ఆఫ్ఘన్పై 6/33 వికెట్లతో ఈ ఫీట్ సాధించిన రెండో ప్లేయర్గా మానవ్ సుతార్ నిలిచాడు.
