నందిపేట, వెలుగు: మండల కేంద్రానికి చెందిన కేదారీశ్వర ఆశ్రమ వ్యవస్థాపకులు మంగిరాములు మహారాజ్ మంగళవారం దీక్షలోకి వెళ్లారు. ఈ కార్యక్రమానికి భక్తులు వేలాదిగా హాజరయ్యారు. ఆర్మూర్ ఎమ్మెల్యే జీవన్రెడ్డి, కాంగ్రెస్ ఎమ్మెల్యే అభ్యర్థి వినయ్రెడ్డి హాజరయ్యి మహారాజ్ ఆశీస్సులు తీసుకున్నారు. గత 38 సంవత్సరాలుగా విజయదశమి రోజున దీక్షలోకి వెళ్లి కార్తీకపౌర్ణమి రోజున దీక్షను విరమించడం ఆనవాయితీగా వస్తుంది.
దీక్ష కాలంలో ఎటువంటి అన్నపానీయాలు ముట్టకుండా 34 రోజుల పాటు దీదీక్ష కొనసాగిస్తారు. నవంబర్ 26 కార్తీకపౌర్ణమి రోజు న దీక్ష విరమిస్తారు. 27 న ఆలయ కమిటీ ఆద్వర్యంలో అన్నదాన కార్యక్రమం, జతర నిర్వహించబడుతుంది.
