అర్జెంటీనా ఫుట్ బాల్ దిగ్గజం డీగో మారడోనాకు చెందిన ఖరీదైన వాచ్ కొంతకాలం కిందట మాయమైంది. ఇప్పుడా గడియారం అస్సాంలో దొరికింది. మారడోనా గతేడాది గుండెపోటుకు గురైచనిపోయాడు. ఆయనకు చెందిన పలు ఖరీదైన వస్తువులు దుబాయ్ లోని ఓ లాకర్ లో భద్రపరిచారు. అయితే అందులోని హుబ్లోట్ కంపెనీ బ్రాండెడ్ వాచ్ అదృశ్యమైంది. దీని ఖరీదు రూ.20 లక్షలు.
మారడోనా మరణానంతరం ఆయనకు చెందిన వస్తువులు కొన్నింటిని దుబాయ్లోని ఓ ప్రైవేట్ కంపెనీ వేలంపాటలో చేజిక్కించుకుంది. ఆ కంపెనీకి సెక్యూరిటీ గార్డుగా పని చేస్తున్న వాజీద్ హుస్సేన్ అనే వ్యక్తి.. ఆ వాచీని దొంగిలించాడు. ఆ తర్వాత తన తండ్రికి బాగోలేదని ఆగష్టులో భారత్ వచ్చేశాడు. ఈ చోరీని సీరియస్గా తీసుకున్న దుబాయ్ పోలీసులు.. ఎట్టకేలకు అస్సాం పోలీసుల సహకారంతో నిందితుడిని అరెస్ట్ చేశారు.