సంక్రాంతికి ‘వీర సింహారెడ్డి’గా వస్తున్న బాలకృష్ణ ఇప్పటికే ఆయన లుక్స్, టీజర్‌‌‌‌‌‌‌‌లోని డైలాగులతో క్యూరియాసిటీ పెంచారు. అలాగే ‘జై బాలయ్య’, ‘సుగుణాల సుందరి’, ‘మా బావ మనోభావాల్’ అంటూ మూడు పాటలు వచ్చాయి. తాజాగా నాలుగో పాటకు ముహూర్తం పెట్టారు దర్శక నిర్మాతలు. ‘మాస్ మొగుడు’ అంటూ సాగే ఈ పాటను మంగళవారం సాయంత్రం రిలీజ్ చేయనున్నట్టు కొత్త పోస్టర్‌‌‌‌‌‌‌‌తో ప్రకటించారు. ఈ పోస్టర్‌‌‌‌‌‌‌‌లో బాలకృష్ణ, శ్రుతిహాసన్ స్టైలిష్ గెటప్స్‌‌‌‌లో ఉన్నారు.
బాలయ్య ట్రెడిషనల్ వేర్‌‌‌‌‌‌‌‌లో రాయల్‌‌‌‌గా కనిపిస్తుంటే, శ్రుతి హాసన్ ట్రెండీ డ్రెస్‌‌‌‌లో గ్లామర్‌‌‌‌‌‌‌‌గా కనిపిస్తోంది. గోపీచంద్ మలినేని దర్శకత్వంలో తెరకెక్కుతోన్న ఈ చిత్రంలో దునియా విజయ్, వరలక్ష్మీ శరత్‌‌‌‌కుమార్ కీలకపాత్రలు పోషిస్తున్నారు. మైత్రి మూవీమేకర్స్ బ్యానర్‌‌‌‌‌‌‌‌పై నవీన్ యేర్నేని, వై.రవిశంకర్ నిర్మిస్తున్నారు. తమన్ సంగీతం అందిస్తున్నాడు. ఇదిలా ఉంటే ఈ నెల 6న ఒంగోలులో ఈ మూవీ ప్రీ రిలీజ్ ఈవెంట్‌‌‌‌కు ఏర్పాట్లు చేస్తున్నారు నిర్మాతలు. ఈ ఈవెంట్‌‌‌‌లోనే సినిమా థియేట్రికల్ ట్రైలర్‌‌‌‌ను విడుదల చేయనున్నారు
