న్యూఢిల్లీ: ఢిల్లీలో ఘోర అగ్ని ప్రమాదం జరిగింది. బుధవారం (జూన్ 3) తెల్లవారుజూమున మాల్వీయా నగర్ ప్రాంతంలో ఉన్న లెమన్ గ్రీన్ రెస్టారెంట్ బేస్మెంట్లో ఒక్కసారిగా మంటలు చెలరేగాయి. ఈ ఘటనలో 20 మంది మరణించగా.. పలువురు తీవ్రంగా గాయపడ్డారు. సమాచారం అందుకున్న పోలీసులు, అగ్నిమాపక సిబ్బంది హుటాహుటిన ఘటన స్థలానికి చేరుకుని సహయక చర్యలు చేపట్టారు.
10 ఫైరింజన్లతో ఉవ్వెత్తున ఎగిసిపడుతోన్న మంటలను అదుపులోకి తీసుకొచ్చేందుకు ప్రయత్నిస్తున్నారు. రెస్టారెంట్ బేస్మెంట్లో చిక్కుకున్న 11 మందిని రక్షించి చికిత్స నిమిత్తం దగ్గర్లోని ఆసుపత్రికి తరలించారు. పోలీసులు ఈ ఘటనపై కేసు నమోదు చేసి దర్యాప్తు చేపట్టారు. ప్రమాదానికి గల కారణాలపై ఆరా తీస్తున్నారు.
అధికారుల వివరాల ప్రకారం.. బుధవారం (జూన్ 3) ఉదయం 9 గంటల ప్రాంతంలో దక్షిణ ఢిల్లీలోని మాల్వీయా నగర్లో ఉన్న లెమన్ గ్రీన్ రెస్టారెంట్ లో అగ్ని ప్రమాదం జరిగినట్లు సమాచారం అందిందని తెలిపారు. వెంటనే వెంటనే పది ఫైరింజన్లను ఘటనా స్థలానికి పంపించామని చెప్పారు. రెస్టారెంట్ బేస్మెంట్లో ఉన్న 11 మందిని రక్షించి ఆసుపత్రికి తరలించామన్నారు. ఘటన స్థలంలో సహయక చర్యలు కొనసాగుతున్నాయని తెలిపారు. అగ్ని ప్రమాదానికి గల కారణాలు ఇంకా తెలియరాలేదని చెప్పారు.
