కరీంనగర్ లో భారీ అగ్ని ప్రమాదం జరిగింది. జిల్లా కేంద్రంలోని రెనీ హాస్పిటల్ దగ్గర మురికి వాడాలో ప్రమాదవశాత్తు అగ్నిప్రమాదం సంభవించింది. పెద్ద ఎత్తున మంటలు ఎగిసిపడ్డాయి. భారీ శబ్దంతో గ్యాస్ సిలిండర్లు పేలడంతో స్థానికులు భయాందోళన వ్యక్తం చేశారు. ఈ ప్రమాదంలో దాదాపు 20 గుడిసెలు కాలి బూడిదయ్యాయి. సమాచారం అందుకున్న పోలీసులు, అగ్ని మాపక సిబ్బంది హుటాహుటినా సంఘటనాస్థలానికి చేరుకుని ఫైర్ ఇంజన్ తో మంటలను అదుపు చేశారు.
ఈ ప్రమాద సమయంలో గుడిసెలల్లో ఎవరూ లేకపోవడంతో అంతా ఊపిరి పీల్చుకున్నారు. అగ్ని ప్రమాదానికి గల కారణాలు తెలియరాలేదు. ఈ ఘటనపై పోలీసులు కేసు నమోదు చేసి దర్యుప్తు చేస్తామని చెప్పారు. ఈ ప్రమాదానికి సంబంధించిన పూర్తి వివరాలు తెలియాల్సి ఉంది.
