బీహార్ లో ఛత్ పూజ కోసం వంట చేస్తుండగా గ్యాస్ సిలిండర్ పేలి 30మంది ఆస్పత్రి పాలయ్యారు. వీరిలో పలువురి పరిస్థితి తీవ్రంగా ఉంది. ఈ ఘటన ఔరంగాబాద్ జిల్లా శాప్ గంజ్ ప్రాంతంలో జరిగింది. తెల్లవారుజామున 2:30 గంటలకు ఓ కుటుంబం ఛత్ పూజ కోసం వంట చేస్తుండగా ఈ విషాదం చోటుచేసుకుంది. అనిల్ గోస్వామి కుటుంబ సభ్యులు ఛత్ పూజ కోసం సూర్యోదయం వేళ ప్రసాదం తయారు చేస్తుండగా గ్యాస్ సిలిండర్లు పేలి, భారీగా మంటలు చెలరేగాయి. ఆ మంటలను ఆర్పడానికి స్థానికులు ఎన్ని ప్రయత్నాలు చేసినప్పటికీ ఫలితం లేకపోయింది.
ఈ ఘటనలో 30 మంది గాయాలపాలయ్యారు. కొంతమంది పరిస్థితి విషమంగా ఉన్నట్లు తెలుస్తోంది. సమాచారం అందుకున్న పోలీసులు ఘటనాస్థలానికి చేరుకొని.. సహాయక చర్యలు చేపట్టారు. ఈ క్రమంలో ఏడుగురు పోలీసు సిబ్బందికి కూడా గాయపడ్డారు. క్షతగాత్రులను చికిత్స నిమిత్తం వెంటనే ఔరంగాబాద్‌లోని సదర్‌ ఆసుపత్రికి తరలించారు. ఘటనకుగల కారణాలపై పోలీసులు దర్యాప్తు చేపట్టారు.
