మెదక్ టౌన్, వెలుగు : తెలంగాణ 11వ స్టేట్ క్రాస్ కంట్రీ ఛాంపియన్షిప్ పోటీల్లో మెదక్ జిల్లా క్రీడాకారులు సత్తాచాటారని జిల్లా అథ్లెటిక్స్ అసోసియేషన్ కార్యదర్శి మధుసూదన్, కోచ్అర్జున్తెలిపారు. హైదరాబాద్గచ్చిబౌలిలోని జీఎంసీ బాలయోగి స్టేడియంలో శుక్రవారం రాష్ట్ర స్థాయి అథ్లెటిక్స్ పోటీలు నిర్వహించారు. ఇందులో అండర్ –20 గర్ల్స్ 8 కిలోమీటర్ల విభాగంలో మెదక్ జిల్లా ఛాంపియన్షిప్గా నిలిచింది.
ఈ సందర్భంగా వారికి తెలంగాణ అథ్లెటిక్స్ అసోసియేషన్ రాష్ట్ర కార్యదర్శి సారంగపాణి, ఆర్గనైజింగ్ సెక్రటరీ వెంకటేశ్వర్ రెడ్డి ట్రోఫీని అందజేశారు. అండర్ –20 గర్ల్స్ 8 కిలోమీటర్ల విభాగంలో మెదక్ టీజీ టీడబ్ల్యూఆర్డీ కాలేజీకి చెందిన బానోత్అనిత ద్వితీయ స్థానంలో నిలిచింది. ఈనెల 24న ఝార్ఖండ్ రాష్ట్రంలోని రాంచీలో జరిగే జాతీయ స్థాయి పోటీల్లో మెదక్ జిల్లా తరఫున వారు పాల్గొంటారని తెలిపారు.
