తెలంగాణ డిప్యూటీ సీఎం భట్టి విక్రమార్కను మెగాస్టార్ చిరంజీవి దంపతులు జ్యోతిరావు ఫూలే ప్రజా భవన్ లో 2024 జనవరి 04 గురువారం రాత్రి మర్యాదపూర్వకంగా కలిశారు. ఈ సందర్భంగా చిరంజీవి దంపతులకు కుటుంబసభ్యులతో కలిసి భట్టి విక్రమార్క స్వాగతం పలికారు. పుష్పగుచ్ఛం, శాలువాతో వారిని సత్కారించారు.
అనంతరం భట్టి విక్రమార్కను కశ్మీర్ నుంచి తెప్పించిన శాలువాతో చిరంజీవి సత్కరించారు. కాసేపు ప్రజా భవన్ లో కూర్చుని ముచ్చటించారు. ఈ భేటీలో డిప్యూటీ సీఎం వెంట ఆయన సతీమణి మల్లు నందిని విక్రమార్క, కుమారుడు సూర్య విక్రమాదిత్య ఉన్నారు. . ప్రస్తుతం ఈ ఫొటోలు సోషల్ మీడియాలో వైరల్ గా మారాయి. కొన్నిరోజుల ముందు సీఎం రేవంత్ రెడ్డిని ఆయన నివాసంలో భేటీ అయిన సంగతి తెలిసిందే.
