TNR కుటుంబానికి చిరంజీవి ఆర్థిక సాయం

V6 Velugu Posted on May 11, 2021

హైద‌రాబాద్- మెగాస్టార్ చిరంజీవి మ‌రోసారి మంచి మ‌న‌సు చాటుకున్నారు. క‌రోనాతో చ‌నిపోయిన‌ నటుడు, జర్నలిస్టు టీఎన్ఆర్ కుటుంబానికి మెగాస్టార్ చిరంజీవి లక్ష రూపాయల తక్షణ ఖర్చుల కోసం సాయం అందజేశారు. మెగాస్టార్ చిరంజీవి అంటే అభిమానంతో సినిమా రంగానికి వచ్చినట్లుగా టీఎన్ఆర్ పలు సందర్భాలలో తెలిపిన విషయం తెలిసిందే. సినీ రంగానికి వచ్చిన తర్వాత తనదైన మార్గాన్ని ఎంచుకుని ఆయన ఎదిగారు. టీఎన్ఆర్ మరణవార్త తెలిసిన మెగాస్టార్ చిరంజీవి తన దిగ్బ్రాంతిని వ్యక్తం చేశారు. మంగళవారం సాయంత్రం టీఎన్ఆర్ భార్యా పిల్లలకు ఫోన్ చేసి పరామర్శించారు. దాంతోపాటు లక్షరూపాయల తక్షణ ఖర్చుల కోసం సాయం అందజేశారు. టీఎన్ఆర్ చేసిన ఎన్నో ఇంటర్వ్యూలు తాను చూశానని, తను ఇంటర్వ్యూ చేసే విధానం తనను ఎంతో ఆకట్టుకునేదని గుర్తుచేశారు. జీవితంలో పట్టుదలతో ఎదిగిన టీఎన్ఆర్ ఎంతో మందికి స్ఫూర్తిదాయకంగా నిలుస్తారని. ఆయన ఆత్మకు శాంతి చేకూరాలని భగవంతుడిని ప్రార్థిస్తున్నానని అన్నారు. ఈ కుటుంబానికి ఎలాంటి అవసరమొచ్చినా తాను అండగా నిలుస్తానని హామీ ఇచ్చారు.

Tagged death, corona, HELP, Chiranjeevi, cinema, , TNR

Latest Videos

Subscribe Now

More News