కుల్గాం: జమ్మూ కశ్మీర్ వనరులు దోపిడీకి గురవుతున్నాయని పీడీపీ నేత మెహబూబా ముఫ్తీ అన్నారు. కశ్మీర్‌‌ను కేంద్రం బహిరంగ జైలుగా మార్చేసిందని ఆమె దుయ్యబట్టారు. అక్రమ మైనింగ్ జరుగుతున్న రాంబియారా నల్లాకు తనను వెళ్లనివ్వకుండా అడ్డుకోవడంపై మెహబూబా ఫైర్ అయ్యారు. ‘నన్ను రాంబియారా నల్లాకు వెళ్లనివ్వకుండా స్థానిక అధికారులు అడ్డుకున్నారు. ఇక్కడి నుంచే బయటి వ్యక్తులకు ఇసుకను అక్రమ టెండర్ల పేర్లతో అమ్మేస్తున్నారు. స్థానిక వనరులను కేంద్ర ప్రభుత్వం దోచుకుంటోంది. నయా కశ్మీర్ కోసం కేంద్రం పన్నిన వంచించే ఆలోచన ఇది. ఒక నేతగా ప్రజల మనోవేదనను చెప్పడం నా బాధ్యత. కానీ సెక్యూరిటీ పేరిట నా హక్కులను, మా ఉద్యమాన్ని బీజేపీ అడ్డుకుంటోంది’ అని మెహబూబా పేర్కొన్నారు.
I was stopped from visiting Rambiara Nalla today by local admin. This is where sand extraction through illegal tenders has been outsourced to outsiders & locals are barred from the area.Our land & resources are being plundered by GOI that has nothing but contempt for us pic.twitter.com/dF7KnZqMG0
— Mehbooba Mufti (@MehboobaMufti) November 21, 2020
