సుడిగాలి సుధీర్ లీడ్ రోల్లో రూపొందుతున్న చిత్రం ‘గోట్’. క్రికేట్ నేపథ్యంలో సాగే కామెడీ డ్రామాలో సుధీర్కు జంటగా దివ్యభారతి నటిస్తోంది. అద్భుతం, టేనంట్ చిత్రాలను నిర్మించిన మొగుళ్ళ చంద్రశేఖర్ నిర్మిస్తున్నారు. లియోన్ జేమ్స్ సంగీతం అందిస్తున్నాడు. ఇటీవలే ‘ఒడియమ్మ’ అనే ఫస్ట్ సాంగ్ను రిలీజ్ చేసి మ్యూజిక్ ప్రమోషన్స్ స్టార్ట్ చేశారు.
ఈ మూవీ బ్యాక్గ్రౌండ్ స్కోర్ కోసం మెలోడీ బ్రహ్మ మణిశర్మ వర్క్ చేస్తున్నట్టు శనివారం ప్రకటించారు. అవుట్పుట్ అద్భుతంగా వస్తోందని, త్వరలోనే సినిమా రిలీజ్ డేట్ను అనౌన్స్ చేస్తామని ఈ సందర్భంగా నిర్మాత తెలియజేశారు. మొట్ట రాజేంద్రన్, సర్వదమన్ బెనర్జీ, నితిన్ ప్రసన్న, పృథ్వి, అడుకులం నరైన్, ఆనందరామరాజు, పమ్మి సాయి, చమ్మక్ చంద్ర, నవీన్ నేని ఇందులో ఇతర ముఖ్యపాత్రలు పోషిస్తున్నారు.
