గోల్డెన్ బూట్ రేసులో మెస్సీ, ఎంబాప్పే.. గోల్డెన్ గ్లోవ్స్‌లో సైమన్, రౌల్ రాంగెల్ జోరు!

FIFA World Cup 2026: ఫిఫా ప్రపంచకప్ రౌండ్ ఆఫ్ 16 మ్యాచ్‌లు ముగుస్తున్న కొద్దీ టోర్నీ అత్యంత ఉత్కంఠభరితంగా కొనసాగుతుంది. ప్రపంచంలోనే అత్యుత్తమ స్ట్రైకర్లు, గోల్‌కీపర్లు తమ అసాధారణ ప్రదర్శనతో అభిమానులను అలరిస్తున్నారు. ఒకవైపు లీగ్ అత్యధిక గోల్స్ స్కోరర్‌కు ఇచ్చే గోల్డెన్ బూట్ (Golden Boot) కోసం ఇద్దరు మోడరన్ లెజెండ్స్ మధ్య తీవ్రమైన పోటీ నడుస్తుండగా.. మరోవైపు బెస్ట్ గోల్‌కీపర్‌కు ఇచ్చే గోల్డెన్ గ్లోవ్ (Golden Glove) రేసులో సరికొత్త ప్రపంచ రికార్డులు నమోదవుతున్నాయి. ఫిలడెల్ఫియాలో జరిగిన హోరాహోరీ రౌండ్ ఆఫ్ 16 మ్యాచ్‌లో పరాగ్వేపై ఫ్రాన్స్ 1–0తో విజయం సాధించిన తర్వాత ఈ రేసు మరింత ఆసక్తికరంగా మారింది. 

అగ్రస్థానంలో మెస్సీ సరసన ఎంబాప్పే: 
పరాగ్వేతో జరిగిన మ్యాచ్‌లో 40 డిగ్రీల తీవ్రమైన ఎండలో ఫ్రాన్స్ జట్టు తీవ్రంగా శ్రమించాల్సి వచ్చింది. ప్రత్యర్థి జట్టు 5-4-1 డిఫెన్సివ్ వ్యూహంతో అడ్డుకున్నప్పటికీ, 70వ నిమిషంలో లభించిన పెనాల్టీని ఫ్రాన్స్ కెప్టెన్ కిలియన్ ఎంబాప్పే (Kylian Mbappe) కూల్‌గా గోల్‌ కొట్టేశాడు. ఈ గోల్‌తో ఎంబాప్పే ఈ టోర్నీలో తన 7వ గోల్‌ను నమోదు చేసి అర్జెంటీనా లెజెండ్ లియోనల్ మెస్సీ (Lionel Messi) సరసన అగ్రస్థానంలో నిలిచాడు. ఫిఫా రూల్స్ ప్రకారం.. ఇద్దరు ప్లేయర్స్ సమానమైన గోల్స్ చేస్తే, ఎవరికైతే ఎక్కువ అసిస్ట్‌లు (Assists) ఉంటాయో వారికే గోల్డెన్ బూట్ లభిస్తుంది. ప్రస్తుతం ఎంబాప్పే 2 అసిస్ట్‌లతో మెస్సీ (1 అసిస్ట్) కంటే ముందంజలో ఉన్నాడు.

గోల్డెన్ బూట్ రేసులో టాప్-5 స్ట్రైకర్లు వీరే:
   ఆటగాడు                          దేశం           గోల్స్         అసిస్ట్‌లు
* కిలియన్ ఎంబాప్పే     ఫ్రాన్స్              7                     2
* లియోనల్ మెస్సీ        అర్జెంటీనా       7                     1
* హ్యారీ కేన్                     ఇంగ్లాండ్        5                      0
* ఎర్లింగ్ హాలాండ్       నార్వే               5                      0
* ఉస్మానే డెంబెలే         ఫ్రాన్స్               4                      2

ఉనై సీమన్ సరికొత్త వరల్డ్ రికార్డు: 
ఈ ప్రపంచకప్ కేవలం గోల్స్ చేయడమే కాకుండా, గోల్స్ రాకుండా అడ్డుకోవడంలోనూ డిఫెన్సివ్ మాస్టర్‌క్లాస్‌గా నిలుస్తోంది. స్పెయిన్ గోల్‌కీపర్ ఉనై సీమన్ (Unai Simon), మెక్సికో రైజింగ్ స్టార్ రాల్ రాంజెల్ (Raul Rangel)లు ఈ టోర్నీలో ఇప్పటి వరకు ఒక్క గోల్ కూడా కాన్సీడ్ చేయకుండా (0 గోల్స్) గోల్డెన్ స్టాండర్డ్ సెట్ చేశారు. ఆస్ట్రియాపై స్పెయిన్ 3–0తో గెలిచిన మ్యాచ్‌లో ఉనై సీమన్.. ప్రపంచకప్ చరిత్రలోనే అత్యధిక నిమిషాల పాటు (520+ నిమిషాలు) గోల్ కాన్సీడ్ చేయకుండా ఉన్న కీపర్‌గా వాల్టర్ జెంగా పేరిట ఉన్న దశాబ్దాల రికార్డును బద్దలు కొట్టాడు.

టాప్ 5 గోల్డెన్ గ్లోవ్ స్టాండింగ్స్: 
* ఉనై సీమన్ (స్పెయిన్): 4 మ్యాచ్‌లు, 4 క్లీన్ షీట్లు, 100 శాతం షట్‌అవుట్ రేట్
* రాల్ రాంజెల్ (మెక్సికో): 4 మ్యాచ్‌లు, 4 క్లీన్ షీట్లు, 100శాతం షట్‌అవుట్ రేట్
* కామిలో వర్గాస్ (కొలంబియా): 4 మ్యాచ్‌లు,  3 క్లీన్ షీట్లు, 75శాతం షట్‌అవుట్ రేట్
* మైక్ మైగ్నన్ (ఫ్రాన్స్): 5 మ్యాచ్‌లు, 3 క్లీన్ షీట్లు, 60శాతం షట్‌అవుట్ రేట్
* మాట్ ఫ్రీజ్ (USA): 3 మ్యాచ్‌లు, 2 క్లీన్ షీట్లు, 66.7శాతం షట్‌అవుట్ రేట్