సిరిసిల్ల టౌన్, వెలుగు: పెండింగ్ బిల్లులు చెల్లించాలని, పెంచిన వేతనాలను అమలుచేయాలని సోమవారం కలెక్టరేట్ ఎదుట మిడ్డే మీల్స్ వర్కర్లు ధర్నా నిర్వహించారు. ఈ సందర్భంగా వర్కర్లు మాట్లాడుతూ బిల్లులు రాకపోవడంతో అప్పులు తెచ్చి వంట చేస్తున్నామన్నారు. వంట సరుకులు, కోడి గుడ్లు, సిలిండర్ల ధరలు పెరిగాయని, వాటిని ప్రభుత్వమే సరఫరా చేయాలని డిమాండ్చేశారు. అనంతరం ఏవో గంగయ్య కు వినతిపత్రం అందించారు. కార్యక్రమంలో కార్మికులు ఎల్లవ్వ, లక్ష్మి, ఏఐటీయూసీ లీడర్లు అజ్జ వేణు, లక్ష్మణ్‌, రాజేశ్వరి పాల్గొన్నారు.
