- అధికారం పోయినా అహం పోలేదు
- తీన్మార్ మల్లన్నను గెలిపించుకుందాం
- పంచాయతీ రాజ్ శాఖ మంత్రి సీతక్క
- ప్రతి ఓటుకు న్యాయం చేస్తా : అభ్యర్థి తీన్మార్ మల్లన్న
ములుగు, వెలుగు : అధికారం పోయినా బీఆర్ఎస్వర్కింగ్ ప్రెసిడెంట్ కేటీఆర్కు అహం పోలేదని, అతడు బ్లాక్మెయిలర్లకు బ్రాండ్ అంబాసిడర్అని పంచాయతీరాజ్, గ్రామీణాభివృద్ధి, స్త్రీ శిశు సంక్షేమ శాఖ మంత్రి డాక్టర్ ధనసరి అనసూయ (సీతక్క) అన్నారు. శుక్రవారం ములుగు మండలం ఇంచర్లలోని ఎంఆర్ గార్డెన్స్లో కాంగ్రెస్ జిల్లా అధ్యక్షుడు పైడాకుల అశోక్ అధ్యక్షతన జరిగిన వరంగల్– ఖమ్మం– నల్గొండ ఎమ్మెల్సీ ఉప ఎన్నికల సన్నాహక సమావేశానికి మంత్రితో పాటు ఎమ్మెల్సీ అభ్యర్థి తీన్మార్ మల్లన్న హాజరై మాట్లాడారు.
సీతక్క మాట్లాడుతూ ప్రజలు అధికారాన్ని దూరం చేసినా ఎమ్మెల్యే కేటీఆర్కు అహంకారం పోలేదన్నారు. కాంగ్రెస్ ఎమ్మెల్సీ అభ్యర్థి తీన్మార్ మల్లన్నకు పట్టభద్రులు మొదటి ప్రాధాన్యత ఓటువేసి గెలిపించాలని కోరారు. మల్లన్న మాట్లాడుతూ పల్లా రాజేశ్వర్ రెడ్డి దొంగ ఓట్లతో గతంలో ఎమ్మెల్సీగా, మొన్న ఎమ్మెల్యేగా గెలిచారన్నారు. తనను ఎమ్మెల్సీ ఎన్నికల్లో గెలిపిస్తే వేసిన ప్రతి ఓటుకూ న్యాయం చేస్తానని అన్నారు. కేంద్ర మాజీ మంత్రి, ఎంపీ అభ్యర్థి పొరిక బలరాం నాయక్, నియోజక వర్గ ఇన్చార్జి కూచన రవళి రెడ్డి, డాక్టర్ పులి అనిల్ పాల్గొన్నారు.
