తెలంగాణలో అత్యధింగా భక్తులు వచ్చే టెంపుల్ వేములవాడేనని.. మంత్రి పొన్నం ప్రభాకర్ అన్నారు. మంగళవారం వేములవాడ రాజన్న ఆలయాన్ని మంత్రి పొన్నం సందర్శించారు. ఈ సందర్భంగా పొన్నం ప్రభాకర్కు వేములవాడ ఎమ్మెల్యే, ప్రభుత్వ విప్ ఆది శ్రీనివాస్, అర్చకులు పూర్ణ కుంభంతో స్వాగతం పలికారు. అనంతరం రాజన్నకు మంత్రి పొన్నం ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ.. నేను రాజన్న భక్తుడిని, దక్షిణ కాశి వేములవాడ అని అన్నారు. వేద పండితుల, శృంగేరి పీఠాధిపతుల అనుమతితో త్వరలోనే ఆలయ అభివృద్ధికి పునాదులు వేస్తామన్నారు.
Also Read :- ఆక్రమణ లెక్క తేలాలి..ఇంజినీరింగ్ కాలేజీలకు నోటీసులు
రాబోయే కార్తీక మాసంలో నిత్యాన్నదానం చేయాలని ఆలోచన చేస్తామని.. తిరుమల లాగా శాశ్వత అన్నదానం ఏర్పాటు కోసం ప్రయత్నాలు చేస్తున్నామని తెలిపారు. సీఎంకు చిరకాల జ్ఞాపకం కోసం నేను, ప్రభుత్వ విప్ ఆది శ్రీనివాస్తో కలిసి శాశ్వత అన్నదానం ఏర్పాటు చేస్తామన్నారు. కోడెల రక్షణపై సీఎం ఆదేశాలతో గోశాల ఆధునీకరణ చేస్తున్నామని.. భక్తుల సౌకర్యాల కోసం వసతి గదుల నిర్మాణం చేస్తామని పేర్కొన్నారు.-- తెలంగాణ మంచి వర్షాలతో బాగుండాలని రాజన్నను వేడుకున్నానని అన్నారు.
