- మంత్రి వివేక్ వెంకటస్వామి వెల్లడి
హైదరాబాద్, వెలుగు: రాష్ట్రంలోని నిరుద్యోగులకు టామ్‌కామ్ ( తెలంగాణ ఓవర్సీస్ మ్యాన్‌ పవర్ కంపెనీ లిమిటెడ్ ) ద్వారా ఉపాధి అవకాశాలు పెంచుతామని, ఉద్యోగాల కల్పనకు ప్రభుత్వం కట్టుబడి ఉందని కార్మిక శాఖ మంత్రి వివేక్ వెంకటస్వామి వెల్లడించారు. శనివారం సెక్రటేరియెట్‌లో లేబర్ ఎంప్లాయిమెంట్, ట్రైనింగ్ శాఖ అధికారులతో మంత్రి వివేక్ వెంకటస్వామి రివ్యూ చేశారు.
రాష్ట్రంలో ఉద్యోగావకాశాల విస్తరణ, యువతకు నైపుణ్యాభివృద్ధి పెంచే దిశగా చేపట్టనున్న కార్యక్రమాలు, విదేశీ ఉపాధి అవకాశాలపై అధికారులకు ఆదేశాలు జారీ చేశారు. ప్రతి ఒక్క ఉద్యోగార్థికి సహకారం అందేలా చూడాలని సూచించారు. ఈ రివ్యూ సమావేశంలో కార్మిక శాఖ ప్రిన్సిపల్ సెక్రటరీ దాన కిశోర్, హోం శాఖ ప్రిన్సిపల్ సెక్రటరీ రవి గుప్తాతోపాటు పలువురు ఉన్నతాధికారులు అటెండ్ అయ్యారు.
