యాదాద్రి జిల్లా వలిగొండ లో దారుణం జరిగింది. వికలాంగురాలైన మైనర్ బాలికపై… ఆమె పక్కింట్లో ఉండే మహేందర్ అనే వ్యక్తి అత్యాచారం చేశాడు. ఆదివారం రాత్రి బాధితురాలు ఇంట్లో ఒక్కతే ఉన్న సమయంలో అతడు ఈ దారుణానికి ఒడిగట్టాడు. అత్యాచారం జరిగిన వెంటనే ఈ ఘటనపై పోలీసులకు ఫిర్యాదు చేశారు బాలిక తల్లిదండ్రులు. రాత్రి 8 గంటలకు అత్యాచారం జరిగిందని ఫిర్యాదు ఇస్తే ఈ రోజు ఉదయం 7 గంటలకు పోలీసులు స్పందించారని , తమ ఫిర్యాదు గురించి పట్టించుకోలేదని బాలిక కుటుంబ సభ్యులు ఆరోపిస్తున్నారు. ఫ్రెండ్లీ పోలీసింగ్ అంటే ఇదేనా అంటూ ప్రశ్నిస్తున్నారు. తమ కూతురికి జరిగిన అన్యాయానికి నిరసనగా రోడ్డుపై బైఠాయించారు. నిందితుడిని వెంటనే అరెస్ట్ చేయాలని డిమాండ్ చేస్తున్నారు.
