- మాక్లూర్ ఎంపీటీసీ భర్త హెచ్చరిక
- అవిశ్వాస తీర్మానం కోసమే అపహరించారని ఆరోపణ
మాక్లూర్, వెలుగు : తన భార్యను కిడ్నాప్ చేసి పది రోజులవుతున్నా పోలీసులు పట్టించుకోవడం లేదని, వెంటనే ఆమెను రక్షించకపోతే ఆత్మహత్య చేసుకుంటానని నిజామాబాద్ జిల్లా మాక్లూర్ఎంపీటీసీ-–2 మీరాబాయి భర్త నారాయణ హెచ్చరించారు. సోమవారం ఆయన మాక్లూర్ పీఎస్కు వచ్చి తన భార్య కేసు విచారణ ఎంతవరకు వచ్చిందని పోలీసులను ప్రశ్నించారు. వారి నుంచి స్పందన లేదంటూ ఆరోపించారు.
మాక్లూర్ ఎంపీపీ మాస్త ప్రభాకర్, మాక్లూర్ సొసైటీ చైర్పర్సన్కొడుకు గోపు రంజిత్, సుక్కి సుధాకర్, బాక శ్రీను ఈ నెల 10న సాయంత్రం 7 గంటలకు తాను ఇంట్లో లేని టైంలో వచ్చి తన భార్య మీరాబాయిని కిడ్నాప్ చేశారని, దీనిపై ఎంత మంది పోలీసు ఉన్నతాధికారులకు కంప్లయింట్చేసినా ఆచూకీ కనుక్కోవడం లేదన్నారు. తన భార్యను రక్షించకపోతే పోలీస్స్టేషన్ ముందే సూసైడ్ చేసుకుంటానని హెచ్చరించారు. ఈ కేసు విషయమై ఎస్ఐ సుధీర్రావును వివరణ కోరగా పై అధికారులు విచారిస్తున్నారని, తాను ఎలాంటి వివరాలు చెప్పలేనన్నారు. మీరాబాయి కొడుకు సురేశ్, కోడలు లలిత, కూతురు చంద్రకళ, మదన్పల్లి ఎంపీటీసీ గోవూరు ఒడ్డెన్న ఉన్నారు.
