హైదరాబాద్, వెలుగు: వచ్చే అసెంబ్లీ ఎన్నికల్లో సీఎం కేసీఆర్ వందశాతం కామారెడ్డి నుంచే పోటీ చేస్తారని ప్రభుత్వ విప్, ఆ నియోజకవర్గ ఎమ్మెల్యే గంప గోవర్ధన్ తెలిపారు. శనివారం అసెంబ్లీ లాబీలో ఆయన మీడియాతో చిట్చాట్చేశారు.
కామారెడ్డి నుంచి పోటీ చేయాలని కేసీఆర్ను నేనే మూడుసార్లు కోరాను. సామాన్య కార్యకర్తగా పని చేసి కేసీఆర్ను గెలిపిస్తాను. కేసీఆర్ కామారెడ్డి నుంచి పోటీ చేస్తే, నేనేం చేయాలనేది పార్టీ చీఫ్గా ఆయనే నిర్ణయిస్తారు. కేసీఆర్ సొంతూరు కామారెడ్డి జిల్లాలోని పోసానిపల్లి.. అదే ప్రస్తుత కోనాపూర్. మానేరు ప్రాజెక్టులో వాళ్ల ఊరు మునిగిపోయింది. అందుకే కేసీఆర్ కుటుంబం చింతమడకకు వెళ్లింది” అని గోవర్ధన్ చెప్పారు. కాగా, కేసీఆర్ ఈసారి గజ్వేల్లో కాకుండా కామారెడ్డి నుంచి పోటీ చేస్తారని కొన్నాళ్లుగా ప్రచారం జరుగుతున్నది. ఈ నేపథ్యంలో గంప గోవర్ధన్వ్యాఖ్యలకు ప్రాధాన్యం సంతరించుకున్నది.
