అమెరికాలో ఎమ్మెల్యే.. అధికారిక కార్యక్రమాల్లో కొడుకు
వివాదాస్పదమవుతున్న భూపాల్రెడ్డి కొడుకు తీరు
సంగారెడ్డి, వెలుగు : ఎమ్మెల్యే అమెరికా టూర్ లో ఉండగా ఆయన స్థానంలో కొడుకు అధికారిక కార్యక్రమాల్లో పాల్గొంటున్నాడు. ఈ తీరుపై ప్రతిపక్షాలు మండిపడుతున్నాయి. సంగారెడ్డి జిల్లా నారాయణఖేడ్ నియోజకవర్గం ఎమ్మెల్యే భూపాల్ రెడ్డి ఈ నెల 3న భార్యతో కలిసి అమెరికా వెళ్లారు. 45 రోజుల తర్వాత తిరిగి రానున్నారు. ఈ క్రమంలో ఎమ్మెల్యే కొడుకు రోషన్ రెడ్డి రెండు రోజులుగా అఫీషియల్ ప్రోగ్రాంలలో ముఖ్యఅతిథిగా పాల్గొంటూ కల్యాణలక్ష్మి, షాదీ ముబారక్ చెక్కులు పంపిణీ చేస్తున్నాడు. గురువారం నారాయణఖేడ్ మండలంలోని పలు గ్రామాల్లో పర్యటించిన రోషన్రెడ్డి వరి కొనుగోలు కేంద్రాలను ప్రారంభించడం చర్చనీయాంశమైంది. స్థానిక ప్రజాప్రతినిధులు, అధికారుల సమక్షంలోనే ఇదంతా జరగడంతో బీజేపీ, కాంగ్రెస్ నాయకులు మండిపడుతున్నారు. ఎమ్మెల్యే కొడుకు తీరు ప్రజాప్రతినిధులను అవమానపరిచేలా ఉందని విమర్శిస్తున్నారు.
