అన్నపురెడ్డిపల్లి, వెలుగు : భద్రాద్రికొత్తగూడెం జిల్లా అన్నపురెడ్డిపల్లి మండలం యర్రగుంటలో కేంద్ర, రాష్ట్ర ప్రభుత్వ నిధులు రూ.93 లక్షలతో నిర్మించిన రోడ్డు ఓవర్ బ్రిడ్జిని సోమవారం ఎమ్మెల్యే జారే ఆదినారాయణ ప్రారంభించారు. ప్రధాని మోదీ దేశవ్యాప్తంగా రైల్వే స్టేషన్లు, రోడ్డు ఓవర్ బ్రిడ్జిలు, అండర్ పాస్లు వర్చువల్ గా ప్రారంభించి, వీడియో కాన్ఫరెన్స్ ద్వారా జాతికి అంకితం చేశారు. అనంతరం ఎమ్మెల్యే మాట్లాడుతూ రోడ్డు ఓవర్ బ్రిడ్జి
ఉపయోగాలు, రైల్వే అభివృద్ధి పథకాలను ప్రజలకు వివరించారు. కార్యక్రమంలో భద్రాచలం రోడ్డ్ రైల్వే ఏరియా ఆఫీసర్ రజినీస్ మీనా, తహసీల్దార్ జగదీశ్వర్ప్రసాద్, కొవ్వూరు రైల్వే లైన్ సాధన కమిటీ కన్వీనర్ పాండురంగాచార్యులు, చీఫ్ కమర్సియల్ ఇన్స్పెక్టర్ జేమ్స్పాల్, ఆర్ అండ్ బీ ఈఈ వెంకటేశ్వరరావు, డీఈ నాగేశ్వరావు, ఎంపీఓ షబ్నా, నాయకులు పాల్గొన్నారు.
