చొప్పదండి, గంగాధర, వెలుగు : తెలంగాణలో హనుమంతుడి గుడి లేని ఊరు, కేసీఆర్ సంక్షేమ పథకం అందని ఇల్లు లేదని చొప్పదండి ఎమ్మెల్యే సుంకె రవిశంకర్ అన్నారు. చొప్పదండి మండలం మండలం రాగంపేట గ్రామంలో ఆదివారం పల్లె దవఖాన ప్రారంభం, పలు కమ్యూనిటీ భవనాల నిర్మాణానికి శంకుస్థాపన చేశారు. సర్పంచ్లత, ఎంపీపీ రవీందర్, ఏఎంసీ చైర్మన్ చుక్కారెడ్డి, ప్యాక్స్చైర్మన్లు మల్లారెడ్డి, తిరుపతిరావు పాల్గొన్నారు.
ఓటీలతో 30 వేల ఎకరాలకు సాగునీరు
మోతె రిజర్వాయర్‌‌‌‌‌‌‌‌కు బదులుగా ఓటీల నిర్మాణంతో 30 వేల ఎకరాలకు సాగునీరు అందుతుందని ఎమ్మెల్యే సుంకె రవిశంకర్ అన్నారు. గంగాధర మండలం నాగిరెడ్డిపూర్లో వరదకాలువ వద్ద ఓటీల నిర్మాణానికి భూమిపూజ చేశారు. ఎమ్మెల్యే మాట్లాడుతూ సీఎం కేసీఆర్ రూ.255 కోట్లతో ఓటీ కాలువలు మంజూరు చేశారన్నారు. ఏఎంసీ చైర్మన్ ఎల్లయ్య, లీడర్లు గంగాధర్, మురళీకృష్ణారెడ్డి, వెంకట్‌‌‌‌రెడ్డి, కృష్ణారెడ్డి, జితేందర్రెడ్డి పాల్గొన్నారు.
