జీడిమెట్ల, వెలుగు: కుత్బుల్లాపూర్ ఎమ్మెల్యే వివేకానంద్ తన సొంత ఊరిని పట్టించుకోకుండా, నియోజకవర్గంలోని అన్ని సమస్యలను పరిష్కరిస్తున్నామని చెబుతూ ‘పట్టణ ప్రగతి’లో ఫొటోలకు పోజులు ఇస్తున్నాడని మాజీ ఎమ్మెల్యే, బీజేపీ సీనియర్ లీడర్ కూన శ్రీశైలంగౌడ్ విమర్శించారు. కుత్బుల్లాపూర్లోని మోడీ బిల్డర్స్ రోడ్డుకు రిపేర్లు చేయాలని కోరుతూ మోడీ సిల్వర్ స్పింగ్ అపార్ట్మెంట్వాసులు సోమవారం నిరసన ర్యాలీ తీశారు. ఈ కార్యక్రమంలో స్థానిక చిన్నారులు పాల్గొని ‘ఎమ్మెల్యే అంకుల్, కేటీఆర్ అంకుల్ మాకు రోడ్డు ఎప్పుడు వేస్తున్నారు’అనే ఫ్లకార్డులు ప్రదర్శించారు. ఈ సందర్భంగా శ్రీశైలంగౌడ్ మాట్లాడుతూ.. ఎమ్మెల్యే వివేకానంద్ప్రజా సమస్యలను గాలికొదిలేసి, తాను విద్యావంతుడినని విర్రవీగుతూ తిరుగుతున్నాడని మండిపడ్డారు. వారం రోజుల్లో రోడ్డుకు రిపేర్లు చేయకుంటే జోనల్ కమిషనర్ ఆఫీసును ముట్టడిస్తామని హెచ్చరించారు. కార్యక్రమంలో అపార్ట్మెంట్ వాసులు, స్థానిక బీజేపీ నాయకులు పాల్గొన్నారు.
