జగిత్యాల మాస్టర్ ప్లాన్ రద్దు చేస్తున్నట్లు ఫైనల్ నోటిఫికేషన్ ఇవ్వాలని కాంగ్రెస్ ఎమ్మెల్సీ జీవన్ రెడ్డి డిమాండ్ చేశారు. పాస్టర్ ప్లాన్ రద్దు చేయకపోతే ఉద్యమం తప్పదని హెచ్చరించారు. జనవరి 25న మాస్టర్ ప్లాన్ ను తాత్కాలికంగా రద్దు చేస్తున్నట్లు మున్సిపల్ పాలక వర్గం తీర్మానం చేసినా.. ఇప్పటి వరకు పూర్తి రద్దుకు ఎలాంటి చర్యలు తీసుకోలేదన్నారు. దీనిపై మున్సిపల్ కమిషనర్ కు నివేదిక అందజేశామన్నారు. జగిత్యాల పరిసర గ్రామ రైతుల హక్కులను కాలరాయొద్దని జీవన్ రెడ్డి కోరారు. మాస్టర్ ప్లాన్ ను పూర్తి స్థాయిలో ఉపసంహరించుకోవాలని డిమాండ్ చేశారు. మాస్టర్ ప్లాన్ పూర్తి స్థాయి రద్దుకు ఎమ్మెల్యే లు మంత్రిని కలిసి పరిష్కారం దిశగా అడుగులు వేయాలన్నారు.
