నామినేషన్ పై కట్టబెట్టిన పనుల్ని రద్దు చేయాలె కాంగ్రెస్ఎమ్మెల్సీ జీవన్రెడ్డి
హైదరాబాద్, వెలుగు: కమీషన్ల కోసమే కాళేశ్వరం ప్రాజెక్టులో రూ.4,600 కోట్ల విలువైన పనులను నామినేషన్ పద్ధతిలో పాత కాంట్రాక్టరుకు కట్టబెట్టారని కాంగ్రెస్ఎమ్మెల్సీ జీవన్రెడ్డి ఆరోపించారు. కాంట్రాక్టర్ల జేబులు, వాళ్ల జేబులు నింపుకోవడానికే ఇష్టారాజ్యంగా పనులు కట్టబెట్టారని మండిపడ్డారు. నామినేషన్ పద్ధతిలో కట్టబెట్టిన పనులను రద్దు చేయాలన్నారు. గురువారం అసెంబ్లీ మీడియా పాయింట్వద్ద ఆయన విలేకరులతో మాట్లాడారు.
కేవలం ఒక టీఎంసీ నీటిని ఎత్తిపోయడానికి రూ.4,600 కోట్లు ఖర్చు చేస్తున్నారని విమర్శించారు. కాళేశ్వరం నీటిని ఎల్లంపల్లికి ఒక్క చుక్క కూడా ఎత్తి పోయలేదన్నారు. ఎల్లంపల్లికి పైనుంచి వచ్చిన నీటినే మిడ్మానేరు, ఎల్ఎండీకి తరలించారని చెప్పారు. రోజుకు2 టీఎంసీల చొప్పున 50 రోజుల్లో100 టీఎంసీల నీటిని ఎత్తిపోసే అవకాశం ఉన్నా15 టీఎంసీలను మాత్రమే ఎత్తిపోశారన్నారు. మిడ్మానేరు, ఎల్ఎండీలో 50 టీఎంసీల సామర్థ్యం ఉన్నప్పటికీ కేవలం20 టీఎంసీల నీరే ఉందన్నారు.
