జంతువుల మధ్య ఉండే ప్రేమకు వెలకట్టలేం. మనలా వాటికి ఆస్తులు, అంతస్థులు వంటి తేడాలు ఉండవు. ఎదుట ప్రేమించే నేస్తం ఉంటే చాలు మనలాగే అవి కూడా అల్లుకపోతాయి, హత్తుకపోతాయి. తాజాగా జరిగిన ఘటనే దానికి నిదర్శనం. ఓ కోతి కుటుంబం చాలా రోజుల తర్వాత కలిసింది. అవి ఎదురుపడగానే ఒకదాని వీపు మీద ఉన్న పిల్లను తీసుకుని హత్తుకుంది మరో కోతి. ఆ తర్వాత రెండూ ఒకదానికొకటి కౌగలించుకుని సంతోషాన్ని వ్యక్తం చేశాయి.
When family met after the pandemic?☺️ pic.twitter.com/sDxFHXr1z9
— Susanta Nanda IFS (@susantananda3) May 30, 2022
ఐఎఫ్ఎస్ ఆఫీసర్ సుశాంత నంద షేర్ చేసిన ఈ వీడియో అందరినీ ఆకట్టుకుంది. కరోనా కల్లోలం తర్వాత తొలిసారి కలిసిన కుటుంబం అంటూ క్యాప్షన్ ఇచ్చారు సుశాంత నంద. దీన్ని చూసిన నెటిజన్లు కోతులు కూడా అచ్చం మనుషుల్లాగే ప్రవర్తిస్తున్నాయని కామెంట్లు చేస్తున్నారు.
