హైదరాబాద్సిటీ, వెలుగు: గ్రేటర్ పరిధిలో సోమవారం పగలంతా ఎండ దంచి కొట్టగా, రాత్రి వేళ జోరు వాన పడింది. కొద్ది రోజులుగా ఉష్ణోగ్రతలు పెరిగి ఎండలు మండిపోతున్నాయి. 40 డిగ్రీల వరకు టెంపరేచర్లు నమోదవుతున్నాయి. పనులుంటే ఉదయం 10 గంటల్లోపు, సాయంత్రం 5 గంటల తర్వాత చేసుకుంటున్నారు. సూర్య ప్రతాపానికి సోమవారం సాయంత్రం కురిసిన వర్షంతో కాస్త బ్రేక్పడింది.
రాత్రి 7 గంటల తర్వాత అక్కడక్కడ చిరుజల్లులు కురవడంతో వాతావరణం కాస్త చల్లబడింది. హైటెక్సిటీ, మియాపూర్, మూసాపేట, ఎల్లమ్మబండ, కూకట్పల్లి, బాచుపల్లి, ప్రగతి నగర్, కుత్బుల్లాపూర్, జీడిమెట్ల, అమీర్పేటతోపాటు పలు ప్రాంతాల్లో ఉరుములు, మెరుపులతో భారీ వర్షం కురిసింది.
చందానగర్, మాదాపూర్, ఆసిఫ్నగర్, గోల్కొండ, రాజేంద్రనగర్ఏరియాల్లో 3 సెంటీమీటర్ల వర్షం పడిందని వాతావరణ శాఖ ప్రకటించింది. అల్వాల్, కొంపల్లిలోనూ భారీ వర్షం కురిసింది. వర్షం పడిన ప్రాంతాల్లో రాత్రి 8 గంటల వరకు 34 డిగ్రీల వరకు ఉన్న టెంపరేచర్కాస్తా 30 డిగ్రీలకు పడిపోయింది. దీంతో నగరవాసులు కాస్త ఊపిరి పీల్చుకున్నారు.
