దోహా: గ్రూప్‌ దశలో క్రొయేషియాకు చెక్‌ పెట్టి, బెల్జియంను ఓడించి సంచలనం సృష్టించిన మొరాకో మరో సెన్సేషనల్ విక్టరీతో ఫిఫా వరల్డ్కప్లో తొలిసారి క్వార్టర్ ఫైనల్లోకి దూసుకెళ్లింది. మంగళవారం హోరాహోరీగా సాగిన ప్రిక్వార్టర్స్లో మొరాకో పెనాల్టీ షూటౌట్లో 3–0తో మాజీ చాంపియన్‌ స్పెయిన్ను ఓడించింది. చివరి నిమిషం ఉత్కంఠగా సాగిన పోరులో మొరాకో తరఫున అబ్దెల్లామిడ్ సబిరి, హకీమ్ జయెచ్‌, అక్రాఫ్ హకిమి.. పెనాల్టీ షుటౌట్లో గోల్స్ సాధించారు. స్పెయిన్ మూడు ప్రయత్నాల్లోనూ ఫెయిలవడంతో టోర్నీ నుంచి షూటౌట్ అయ్యింది. పాబ్లో, సోలెర్‌, బాస్కెట్స్‌ కొట్టిన షాట్లను అద్భుతంగా అడ్డుకున్న గోల్ కీపర్ యాసిన్ బౌనౌ మొరాకోను కార్టర్స్ చేర్చాడు.
మ్యాచ్ రెగ్యులర్ టైమ్లో ఇరు జట్లూ గోల్ చేయలేకపోయాయి. బాల్ను ఎక్కువసేపు ఆధీనంలో ఉంచుకున్న స్పెయిన్ లాంగ్ పాస్లతో గోల్స్ కోసం ప్రయత్నించింది. దీంతో ఒత్తిడిని జయించేందుకు మొరాకో చాలా టైమ్ తీసుకుంది. తర్వాత కౌంటర్ ఎటాక్ చాన్సెస్ కోసం పోరాడి విఫలమైంది. ఎక్స్ ట్రా టైమ్లో ఇరుజట్లు పదునైన దాడులు చేసినా గోల్ కొట్టలేకపోయాయి. విన్నర్ను తేల్చేందుకు షూటౌట్‌‌నిర్వహించగా.. అక్కడ తేలిపోయిన 2010 చాంపియన్‌ స్పెయిన్ వరుసగా మూడుసారి క్వార్టర్ ఫైనల్‌ చేరడంలో ఫెయిలైంది.
