వయసు చూస్తే.. నిండా పాతికేండ్లు కూడా లేవు. కానీ.. కొన్ని లక్షలమంది అభిమానాన్ని సంపాదించుకున్నాడు. సోషల్ మీడియాలో ట్రెండింగ్లో ఉండే కంటెంట్ క్రియేటర్గా పేరు తెచ్చుకున్నాడు మృదుల్. అతను చేసిన కొన్ని వీడియోలకు 200 మిలియన్లకు పైగా వ్యూస్ వచ్చాయి.
ప్రస్తుతం ఇండియాలోని టాప్ సెలబ్రిటీ యూట్యూబర్లలో మృదుల్ ఒకడు. అతని యూట్యూబ్ ఛానెల్కి14.6 మిలియన్ల మందికి పైగా సబ్స్క్రయిబర్లు ఉన్నారు. మృదుల్ తివారి 2000 మార్చి 7న ఉత్తరప్రదేశ్‌‌లోని నోయిడాలో పుట్టాడు. తండ్రి రాఘవేంద్ర తివారి, తల్లి శశి. అక్క ప్రగతి కూడా మృదుల్తో పాటు యూట్యూబ్లోనే వీడియోలు చేస్తుంది. మృదుల్ తన స్కూల్ ఎడ్యుకేషన్ని గ్రేటర్ నోయిడాలోని ఆర్యదీప్ పబ్లిక్ స్కూల్లో చదివాడు. ప్లస్ టు మంచి మార్కులతో పాసయ్యాడు. తర్వాత హోటల్ మేనేజ్‌‌మెంట్ చదవాలనుకున్నాడు. కానీ.. కొన్ని పరిస్థితుల వల్ల మీరట్ యూనివర్సిటీలో బీఎస్సీ చేశాడు.
యూట్యూబ్ జర్నీ మొదలైంది ఇలా..
మృదుల్ తివారీకి కామెడీ వీడియోలు చూడటం చాలా ఇష్టం. అందుకే అతను యూట్యూబర్ అమిత్ భదానా చేసే వీడియోలు ఎక్కువగా చూసేవాడు. అతని స్ఫూర్తితోనే మృదుల్కి యూట్యూబ్లో వీడియోలు చేయాలనే ఆలోచన వచ్చింది. అలా.. మృదుల్ యూట్యూబ్ జర్నీ 2015లో మొదలైంది. ‘ది మృదుల్’ పేరుతో ఛానెల్ పెట్టాడు. కానీ.. 2018 నుంచి కంటెంట్ పోస్ట్ చేస్తున్నాడు. మొదట్లో అక్క ప్రగతితో కలిసి వీడియోలు చేసేవాడు. ఆ తర్వాత చాలామంది యాడ్ అయ్యారు. ఛానెల్లో పూర్తిగా కామెడీ వీడియోలే పోస్ట్ చేస్తుంటాడు. కాకపోతే.. ప్రతి వీడియోలో కామెడీతోపాటు ఏదో ఒక కాన్సెప్ట్ కూడా ఉంటుంది. మొదట్లో వీడియోలు పోస్ట్ చేసినప్పుడు అంత రెస్పాన్స్ రాలేదు. ఎక్కువ మందికి రీచ్ కాలేదు కూడా. అయినా.. వీడియోలు అప్లోడ్ చేయడం ఆపలేదు. ఏదో ఒకరోజు కచ్చితంగా సక్సెస్ వస్తుందనే నమ్మకంతో కంటిన్యూ చేశాడు. చివరికి సక్సెస్ అయ్యాడు. మృదుల్ చిన్నప్పటి నుంచి ఏ పనైనా కొత్తగా చేసేందుకు ప్రయత్నించేవాడు. ఆ కొత్తదనమే అతనికి సక్సెస్ తీసుకొచ్చింది. మూడేండ్ల క్రితం స్కూల్ లైఫ్ మీద కొన్ని కామెడీ వీడియోలు చేశాడు. అప్పటినుంచి వెనక్కి తిరిగి చూసుకోవాల్సిన అవసరం రాలేదు. 2018 అక్టోబర్లో కంటెంట్ వీడియోలు అప్లోడ్ చేయడం మొదలుపెడితే.. సంవత్సరం గడిచేసరికి ఛానెల్కు లక్షమంది సబ్స్క్రయిబర్లు మాత్రమే వచ్చారు. కానీ.. ఆ తర్వాత సంవత్సరం 2020 మార్చి నాటికి సబ్స్క్రయిబర్ల సంఖ్య మిలియన్ మార్క్ని దాటింది. యూట్యూబ్‌‌తో పాటు మృదుల్కు ఇన్స్టాగ్రామ్లో కూడా ఫాలోయింగ్ బాగుంది.
ఒక్కడి నుంచి మొదలై...
వీడియోలు క్లిక్ అవుతుండడంతో కంటెంట్ తీయడానికి మృదుల్ ఒక టీం తయారు చేసుకున్నాడు. అందుకే మృదుల్ వీడియోల్లో ఎప్పుడూ వాళ్లే కనిపిస్తుంటారు. మృదుల్తోపాటు వాళ్లకు కూడా మంచి పేరొచ్చింది. మృదుల్ సక్సెస్కు వాళ్లు కూడా ముఖ్య కారణం. మృదుల్ అక్క ప్రగతి... తల్లి రోల్స్ ఎక్కువగా చేస్తుంటుంది. ఛానెల్ వల్ల ప్రగతికి కూడా ఫాలోయింగ్ బాగా పెరిగింది. ఇన్స్టాగ్రామ్లో ఆమెను 1.6 మిలియన్ల మంది ఫాలో అవుతున్నారు. ఈమెతోపాటు వీడియోల్లో నితిన్... తండ్రి, సోదరుడి రోల్స్ చేస్తుంటాడు. ఉజ్వల్, ఆరవ్.. మృదుల్ ఫ్రెండ్స్ రోల్స్ చేస్తుంటారు. వీళ్లంతా కలిసి ‘ది మృదుల్’ని టాప్లో నిలబెట్టారు.
నెట్వర్త్
వీడియోల్లో ప్రమోషన్స్ కూడా చేస్తుంటాడు. ఆ వీడియోలకు డబ్బులు బాగా వస్తాయి. కొన్ని స్పాన్సర్‌‌షిప్ వీడియోలు కూడా చేస్తుంటాడు. యూట్యూబ్ నుంచి నెలకు దాదాపు ఆరు నుండి ఎనిమిది లక్షల రూపాయలు వస్తున్నాయి. మొత్తంగా ఇప్పటివరకు 8 కోట్ల వరకు సంపాదించాడు మృదుల్.
