ములుగు, వెలుగు : ములుగు జిల్లాలోని సమ్మక్క సారక్క ట్రైబల్ యూనివర్సిటీలో ప్రవేశాలకు నోటిఫికేషన్విడుదలైంది. మొత్తం కోర్సుల్లో 130 సీట్లకు కామన్ఎంట్రన్స్ టెస్ట్ నిర్వహించేందుకు యూనివర్సిటీ అకాడమిక్స్ డీన్ ప్రొఫెసర్ జి.రాంరెడ్డి శుక్రవారం నోటిఫికేషన్ జారీ చేశారు. బీటెక్కంప్యూటర్స్అండ్ఏఐలో 30 సీట్లు, బీఎస్సీ (హానర్స్) కంప్యూటర్ సైన్స్అండ్ డేటా అనలిస్ట్ లో 25, బీఎస్సీ (హానర్స్) మ్యాథమెటిక్స్ అండ్కంప్యూటింగ్ లో 25, బీఏ (హానర్స్) ఇంగ్లీష్ లో 25, బీఏ (హానర్స్) ఎకనామిక్స్25 సీట్లను భర్తీ చేయనున్నారు. ఈ కోర్సులకు ఆగస్టు 2వ తేదీ https://ssctucuet.samarth.edu.in/ వెబ్సైట్ లో అప్లై చేసుకోవాలని పేర్కొన్నారు. 5న మెరిట్ లిస్ట్, 10న కౌన్సిలింగ్నిర్వహించనున్నారు. మొదటి ప్రాధాన్యంగా కామన్ యూనివర్సిటీ ఎంట్రెన్స్ టెస్ట్, రెండో ప్రాధాన్యంగా జేఈఈ మెయిన్స్ ర్యాంక్ ఆధారంగా సీట్లు భర్తీ చేయనున్నట్లు ప్రకటించారు. మరిన్ని వివరాలు యూనివర్సిటీలో కానీ, వెబ్సైట్ లో కానీ చూసుకోవచ్చన్నారు.
