ముంబై ట్రాఫిక్ పోలీసులు దాదర్‌లోని శివాజీ పార్క్‌లో దసరా మేళవా కార్యక్రమాన్ని నిర్వహిస్తున్నందున దాదర్‌కి చుట్టుపక్కల ఉన్న అన్ని మార్గాల్లో కొత్త ట్రాఫిక్ మళ్లింపులు, ఆంక్షలు ప్రకటించారు. రాష్ట్రంలోని వివిధ ప్రాంతాల నుంచి భారీ సంఖ్యలో జనం వచ్చే అవకాశమున్నందున.. వెస్ట్రన్ ఎక్స్‌ప్రెస్ హైవే, ఈస్టర్న్ ఎక్స్‌ప్రెస్ హైవే మొదలైన రోడ్లపై ట్రాఫిక్ కదలికలపై చర్యలకు ఉపక్రమించారు. కొన్ని 'నో-పార్కింగ్' జోన్‌లుగానూ ప్రకటించబడ్డాయని డిప్యూటీ కమిషనర్ ఆఫ్ పోలీస్ తెలిపారు.
సిద్ధివినాయక్ మందిర్ జంక్షన్ నుంచి మాహిమ్‌లోని కపాడ్ బజార్ జంక్షన్ వరకు SVS రోడ్డులో వాహనాలు తమ గమ్యస్థానానికి వెళ్లడానికి బదులుగా SK బోలే రోడ్ - అగర్ బజార్ - పోర్చుగీస్ చర్చి, గోఖలే రోడ్‌లను ఎంచుకోవచ్చు. రాజా బాధే చౌక్ జంక్షన్ వరకు కేలుస్కర్ మార్గ్ (ఉత్తర జంక్షన్) మార్గం కూడా మూసివేయబడుతుంది.
