నాగార్జున ఆల్ టైమ్ క్లాసిక్ ‘శివ’ బాక్సాఫీసు రికార్డులను తిరగరాస్తూ ఇండియన్ సినిమాను బిఫోర్ శివ, ఆఫ్టర్ శివగా రీ డిఫైన్ చేసింది. రామ్ గోపాల్ వర్మ దర్శకత్వంలో1989లో విడుదలైన ఈ చిత్రాన్ని అన్నపూర్ణ స్టూడియోస్ బ్యానర్‌‌‌‌‌‌‌‌పై అక్కినేని వెంకట్, సురేంద్ర యార్లగడ్డ నిర్మించారు. అన్నపూర్ణ స్టూడియోస్ కి 50 ఇయర్స్ అయిన సందర్భంగా ఈ చిత్రాన్ని 4కే డాల్బీ ఆట్మాస్‌‌‌‌లో నవంబర్ 14న థియేటర్లలో మరోసారి రిలీజ్ చేస్తున్నారు. మంగళవారం రీ రిలీజ్ ట్రైలర్‌‌‌‌‌‌‌‌ని విడుదల చేశారు.
ఈ సందర్భంగా నిర్వహించిన ఈవెంట్‌‌‌‌లో నాగార్జున మాట్లాడుతూ ‘36 ఏళ్ల క్రితం నాతో శివ సినిమా తీసి నన్ను పెద్ద స్టార్‌‌‌‌‌‌‌‌ని చేశాడు రాము. ఈ సినిమా ఇప్పుడు చూసినా స్టన్నింగ్‌‌‌‌గా అనిపిస్తుంది. రాము దాదాపు 6 నెలలు చాలా ప్రేమతో ఇష్టపడి ప్రతి సౌండ్ ట్రాక్‌‌‌‌ని మళ్లీ ఒరిజినల్ సినిమా చేసినట్టుగా, ఒక మైల్ స్టోన్‌‌‌‌గా నిలబెట్టాలని డిజైన్ చేశాడు.
డాల్బీ ఆట్మాస్‌‌‌‌లో మైండ్ బ్లోయింగ్‌‌‌‌గా ఉంటుంది. శివ ఈజ్ ఫరెవర్. మరో 36 ఏళ్ల తర్వాత ఇదే స్టేజి మీద, సినిమాని మళ్లీ మీముందుకు తీసుకురావాలని కోరుకుంటున్నా’ అని అన్నారు. ఇది వెరీ గ్రేట్ ఫీలింగ్ అని, కొత్త టెక్నాలజీతో రాబోతున్న ఈ సినిమా ప్రేక్షకులకు మంచి ఎక్స్‌‌‌‌పీరియెన్స్‌ ఇస్తుందని రామ్ గోపాల్ వర్మ అన్నారు.
