హాలియా, వెలుగు: నేషనల్ డ్యాం సేఫ్టీ అథారిటీ సభ్యులు మంగళవారం నల్గొండ జిల్లా నాగార్జునసాగర్ డ్యాంను పరిశీలించారు. మూడు రోజుల పరిశీలనలో భాగంగా సీడబ్ల్యూసీ డైరెక్టర్ రమేశ్ కుమార్ ఆధ్వర్యంలోని ఎన్డీఎస్‌ఏ , కేఆర్ఎంబీ, సీడబ్ల్యూసీ ఏపీ, తెలంగాణ రాష్ట్రాల ఇరిగేషన్డిపార్ట్మెంట్లకు సంబంధించిన 13 మంది సోమవారం రాత్రి విజయవిహార్ అతిథి గృహానికి చేరుకున్నారు. మంగళవారం ఉదయం ప్రాజెక్టుపైకి చేరుకుని డ్యామ్ గేట్లు, గ్యాలరీ, రోప్స్, కుడికాల్వ, హెడ్‌ రెగ్యులేటర్, జల విద్యుత్‌ కేంద్రం, క్రస్ట్ గేట్లను, 220, 420 గ్యాలరీలను వాక్‌వే పై నుంచి స్పిల్‌వేను పరిశీలించారు.
నాగార్జునసాగర్ ప్రాజెక్టును కేఆర్ఎంబీ పరిధిలోకి తీసుకురానున్న నేపథ్యంలో డ్యాం భద్రత, నీటి నిల్వలు, వినియోగంపై అధ్యయనం చేసింది. 2009లో వచ్చిన వరదలకు ఎంత ఫ్లడ్వచ్చింది. ఇన్ ఫ్లో, ఔట్ ఫ్లో వివరాలను ఇరిగేషన్శాఖ అధికారులను అడిగి తెలుసుకున్నారు. డ్యామ్ సూపర్ ఇంజినీర్ నాగేశ్వరరావు, ఎగ్జిక్యూటివ్ ఇంజినీర్ మల్లికార్జున్, తెలంగాణ, ఏపీ నీటిపారుల శాఖల అధికారులు, సీఆర్పీఎఫ్ అసిస్టెంట్ కమాండెంట్, నాగార్జునసాగర్ స్పెషల్ ప్రొటెక్షన్ ఫోర్స్, అసిస్టెంట్ కమాండెంట్, ఇరిగేషన్ అధికారులు ఉన్నారు.
