వర్ని, వెలుగు: ప్రైవేట్ స్కూళ్లకు దీటుగా ప్రభుత్వ స్కూళ్లలో నాణ్యమైన విద్యాబోధన అందిస్తున్నామని నిజామాబాద్డీఈవో అశోక్ కుమార్ అన్నారు. రుద్రూర్ లోని పీఎంశ్రీ ఎంపీపీఎస్ ను శనివారం ఆయన సందర్శించారు. విద్యార్థులకు డిజిటల్ క్లాసులు అందించేందుకు గ్లోబల్ సాఫ్ట్ వేర్ సొల్యూషన్స్ అందించిన ప్రొజెక్టర్ ను ప్రారంభించారు.
ఈ సందర్భంగా డీఈవో మాట్లాడుతూ.. ప్రభుత్వ స్కూళ్లలో నాణ్యమైన విద్యాబోధనతో పాటు మంచి భోజనం అందిస్తున్నామని చెప్పారు. కార్యక్రమంలో సర్పంచ్ ఇందూరు సునీత, ఉప సర్పంచ్ షేక్ నిస్సార్, ఎంఈవో శ్రీనివాస్, బ్లాక్ కాంగ్రెస్ అధ్యక్షుడు చంద్రశేఖర్ తదితరులు పాల్గొన్నారు.
