హైదరాబాద్, వెలుగు: ఫిబ్రవరి ఫస్ట్ నుంచి జేఎన్టీయూ పరిధిలోని ఇంజనీరింగ్ కాలేజీల్లో ఫిజికల్ క్లాసులు నిర్వహించడం లేదు. ఆ నెలంతా ల్యాబ్లు మాత్రమే నిర్వహించాలని జేఎన్టీయూహెచ్ నిర్ణయించింది. ఫిబ్రవరి ఫస్ట్ నుంచి అన్ని కాలేజీల్లో ఫిజికల్ క్లాసులు ప్రారంభించాలని సర్కారు నిర్ణయించినా జేఎన్టీయూ పరిధిలోని ఇంజనీరింగ్తో పాటు ఇతర ప్రొఫెషనల్ కోర్సుల్లో కొన్ని నెలలుగా ఆన్లైన్ క్లాసులు కొనసాగుతున్నాయి. దాదాపు సిలబస్ పూర్తయింది. ల్యాబులు చేయాల్సిన టైమ్ వచ్చింది. ఫిబ్రవరిలో రెండు విడుతల్లో ల్యాబులు, ఇంటర్నల్స్, వైవా పూర్తి చేసేందుకు ఇప్పటికే షెడ్యూల్ రెడీ చేశారు. ఫిబ్రవరి ఫస్ట్ నుంచి13 వరకు థర్డ్, ఫోర్త్ ఇయర్స్ స్టూడెంట్స్కు, 15 నుంచి 27 వరకు ఫస్టియర్, సెకండియర్స్కు ల్యాబ్స్కొనసాగుతాయి. మార్చి 8 నుంచి 20 వరకు సెమిస్టర్స్ ఎగ్జామ్స్ పెట్టేందుకు అధికారులు రెడీ అయ్యారు. స్టూడెంట్స్ ఇంటి దగ్గరలోని కాలేజీలో సెమిస్టర్ ఎగ్జామ్స్ రాసుకునేలా మరోసారి చాన్స్ ఇచ్చినట్టు రిజిస్ట్రార్ మంజూర్ హుస్సేన్ తెలిపారు. ఫస్టియర్స్కు మినహా మిగిలిన మూడేండ్ల స్టూడెంట్స్కు ఫస్ట్ సెమిస్టర్స్ మార్చి 20లోగా పూర్తి చేస్తామని చెప్పారు. ఓయూ పరిధిలోని ఇంజనీరింగ్ కాలేజీల్లోనూ థియరీ క్లాసులు దాదాపు పూర్తికావడంతో ముందుగా థర్డ్, ఫోర్త్ ఇయర్స్ స్టూడెంట్స్ల్యాబులు నిర్వహించాలని భావిస్తున్నారు.
For More News..
