న్యూజిలాండ్ వెటరన్‌ పేసర్ టిమ్ సౌతీ అంతర్జాతీయ టీ20 క్రికెట్ లో సరికొత్త రికార్డు సృష్టించాడు. 35 ఏళ్ల వయసులోనూ కుర్రాళ్లతో పోటీపడుతున్న ఈ పేసర్.. దేశం కోసం అలుపెరుగని సైనికుడిలా పోరాడుతున్నాడు. డబ్బుపై వ్యామోహంతో సహచర ఆటగాళ్లు సెంట్రల్ కాంట్రాక్ట్ నుంచి తప్పుకుంటున్నా.. తాను మాత్రం దేశానికి ఆడటానికే అధిక ప్రాధాన్యమిస్తున్నాడు. సౌతీ.. శుక్రవారం పాకిస్తాన్‌తో జరిగిన తొలి టీ20లో ఓ మైలురాయిని చేరుకున్నాడు.
ఒకే ఒక్కడు
నాలుగు వికెట్లతో పాక్ ఓటమిని శాసించిన సౌతీ.. అంతర్జాతీయ టీ20 క్రికెట్లో150 వికెట్ల మైలురాయిని చేరుకున్నాడు. తద్వారా ఈ ఘనత సాధించిన తొలి బౌలర్‌గా రికార్డులకెక్కాడు.
అంతర్జాతీయ టీ20ల్లో అత్యధిక వికెట్ల వీరులు
- 1. టిమ్ సౌథీ (న్యూజిలాండ్): 118 మ్యాచ్‌ల్లో 151 వికెట్లు
- 2. షకీబ్ అల్ హసన్ (బంగ్లాదేశ్): 117 మ్యాచ్‌ల్లో 140 వికెట్లు
- 3. రషీద్ ఖాన్ (ఆఫ్ఘనిస్థాన్): 82 మ్యాచ్‌ల్లో 130 వికెట్లు
- 4. ఇష్ సోధి (న్యూజిలాండ్): 106 మ్యాచ్‌ల్లో 127 వికెట్లు
- 5. లసిత్ మలింగ (శ్రీలంక) - 84 మ్యాచ్‌ల్లో 107 వికెట్లు
ఇక మ్యాచ్ విషయానికొస్తే.. తొలుత న్యూజిలాండ్ 226 పరుగుల భారీ స్కోర్ చేయగా.. ఛేదనలో పాక్ 180కే కుప్పకూలింది. ఈ విజయంతో ఐదు మ్యాచ్ ల టీ20 సిరీస్ లో 1-0 ఆధిక్యంలో నిలిచింది.
