భువనేశ్వర్: ఒడిశాలోని బాలాసోర్లో జరిగిన రైలు ప్రమాదంలో చనిపోయాడనుకుని వందలాది శవాల మధ్య పడేసిన ఓ వ్యక్తి ప్రాణాలతో బతికి బయటపడ్డాడు. శవాలు తరలిస్తున్న టైంలో రెస్క్యూ సిబ్బందిలో ఒకతని కాలు పట్టుకుని ‘‘నేను బతికే ఉన్నాను.. చనిపోలేదు.. ప్లీజ్ నీళ్లు ఇవ్వండి”అంటూ వేడుకున్నాడు. దీంతో అతన్ని వెంటనే హాస్పిటల్కు తరలించారు. వెస్ట్ బెంగాల్లోని నార్త్ 24 పరగణా జిల్లా చర్నేఖలి గ్రామానికి చెందిన 35ఏండ్ల రాబిన్ నయ్య, తన ఆరుగు ఫ్రెండ్స్ తో పని కోసం వెతుక్కుంటూ కోరమండల్ ఎక్స్ప్రెస్లో ఏపీకి బయలుదేరాడు.
యాక్సిడెంట్ తర్వాత రాబిన్ తన రెండు కాళ్లు కోల్పోయి పట్టాలపై పడి ఉన్నాడు. చనిపోయాడనుకుని మూటగట్టి రెస్క్యూ సిబ్బంది అతన్ని పట్టాల పక్కనే ఉన్న స్కూల్ రూమ్లోకి తీసుకెళ్లి శవాల మధ్య పడుకోబెట్టారు. కొన్ని గంటల తర్వాత శవాలు తరలించేందుకు రెస్క్యూ వర్కర్స్ రూమ్లోకి వెళ్లారు. డెడ్బాడీల మధ్య తిరుగుతున్న టైంలో ఎవరో కాళ్లు పట్టుకున్నట్లు ఓ రెస్క్యూ వర్కర్కు అనిపించింది. కింద చూసేందుకు భయమనిపించినా.. ఆ వర్కర్ ధైర్యంగా చూస్తే.. ‘‘నేను బతికే ఉన్నాను.. చనిపోలేదు.. ప్లీజ్ నీళ్లు ఇవ్వండి” అంటూ రాబిన్ ప్రాధేయపడుతూ కనిపించాడు. దీంతో వెంటనే మిగిలిన రెస్క్యూ వర్కర్స్ సాయంతో రాబిన్ను మేదినీపూర్ మెడికల్ కాలేజ్ హాస్పిటల్కు తరలించాడు.
రెండు కాళ్లు కోల్పోయిన రాబిన్ హెల్త్ కండిషన్ సీరియస్గానే ఉంది. ఆర్థోపెడిక్ వార్డులో ట్రీట్మెంట్ పొందుతున్నాడు. రాబిన్తో వచ్చిన ఆరుగురు ఫ్రెండ్స్ జాడ కూడా తెలియరాలేదు. 2010లో కూడా రాబిన్ ఫ్యామిలీ మెంబర్కు ఇలాగే జరిగింది. ‘‘మా అన్నతో కలిసి జ్ఞానేశ్వరీ ఎక్స్ప్రెస్లో వెళ్తున్నాను. గూడ్స్ రైలును ఢీకొట్టడంతో మా ట్రైన్ పట్టాలు తప్పింది. మా అన్న చనిపోయాడనుకుని రెస్క్యూ వర్కర్స్ అతన్ని శవాల మధ్య పడుకోబెడితే.. ఎలాగోలా అక్కడి నుంచి బయటపడి ఫోన్ చేశాడు”అని రాబిన్ నయ్య మామ మానబేంద్ర సర్దార్ చెప్పుకొచ్చాడు.
