హైదరాబాద్, వెలుగు : ఆర్టీఏ ఆదాయంలో ఉమ్మడి రంగారెడ్డి జిల్లా టాప్లో నిలిచిందని జిల్లా ఆర్టీఏ డిప్యూటీ కమిషనర్ చంద్రశేఖర్ గౌడ్ వెల్లడించారు. 2023–24 ఆర్థిక సంవత్సరంలో టార్గెట్రీచ్అవడంలో 98 శాతం సక్సెస్అయినట్లు తెలిపారు. ఆర్టీఏకు రూ.6,972 కోట్ల ఆదాయం రాగా, ఇందులో కేవలం ఉమ్మడి రంగారెడ్డి జిల్లా(వికారాబాద్, మేడ్చల్మల్కాజిగిరి, రంగారెడ్డి జిల్లాలు) నుంచే రూ.3,067 కోట్లు వచ్చాయని తెలిపారు.
ప్రభుత్వం ఉమ్మడి రంగారెడ్డి జిల్లాకు రూ.3,143 కోట్లు టార్గెట్పెట్టగా, రూ.3,067 కోట్లు సాధించామని చెప్పారు. 2022–23 ఆదాయంతో పోలిస్తే 9.9 శాతం వృద్ధి రేటు సాధించినట్లు వెల్లడించారు. ఇక ప్రస్తుత జిల్లాల వారీగా చూస్తే రంగారెడ్ది జిల్లాలో రూ.1,689 కోట్లు, మేడ్చల్–- మల్కాజిగిరిలో రూ.1,298 కోట్లు, వికారాబాద్ జిల్లాలో రూ.80 కోట్ల ఆదాయం వచ్చిందని చెప్పారు. స్టేట్ఆర్టీఏ ఇన్కమ్లో 44 శాతం ఉమ్మడి రంగారెడ్డి నుంచే ఉందన్నారు. ఈ మేరకు బుధవారం మణికొండలో నిర్వహించిన సమీక్షలో వెల్లడించారు. ఆర్టీఓలు రఘునందన్, సుభాష్ చందర్ రెడ్డి, వెంకట్ రెడ్డి, కిరణ్ కుమార్, శ్రీనివాస్ తదితరులు పాల్గొన్నారు.
