Ollie Robinson: లార్డ్స్ క్రికెట్ గ్రౌండ్లో ఇంగ్లాండ్ వర్సెస్ న్యూజిలాండ్ జట్ల మధ్య జరుగుతున్న మొదటి టెస్ట్ మ్యాచ్లో బౌలర్లు పూర్తిగా ఆధిపత్యం చెలాయిస్తున్నారు. అయితే ఈ మ్యాచ్లో ఇంగ్లాండ్ ఫాస్ట్ బౌలర్ ఓలీ రాబిన్సన్ (Ollie Robinson) ఏకంగా 149 ఏళ్ల టెస్ట్ క్రికెట్ చరిత్రలోనే ఎవ్వరికీ సాధ్యంకాని ఒక అరుదైన ప్రపంచ రికార్డును తన పేరిట లిఖించుకున్నాడు.
ఓలీ రాబిన్సన్ విధ్వంసం:
ఈ మ్యాచ్లో టాస్ గెలిచి మొదట బ్యాటింగ్ చేసిన ఇంగ్లాండ్ మొదటి ఇన్నింగ్స్లో కేవలం 140 రన్స్కే ఆలౌట్ అయింది. కెప్టెన్ హ్యారీ బ్రూక్ (58 రన్స్) ఒక్కడే రాణించాడు. కివీస్ బౌలర్ కైల్ జేమీసన్ 5 వికెట్లతో చెలరేగాడు. కానీ ఆ తర్వాత బ్యాటింగ్కు వచ్చిన న్యూజిలాండ్ను ఇంగ్లాండ్ బౌలర్లు దెబ్బమీద దెబ్బ కొట్టారు. ముఖ్యంగా ఓలీ రాబిన్సన్ తన మొదటి ఓవర్లోనే విధ్వంసం సృష్టించాడు.
టెస్ట్ క్రికెట్ చరిత్రలోనే తొలి ఇంగ్లాండ్ బౌలర్:
న్యూజిలాండ్ ఇన్నింగ్స్ 2వ ఓవర్ వేయడానికి వచ్చిన ఓలీ రాబిన్సన్.. ఆ ఓవర్లోనే కివీస్ టాప్ ఆర్డర్ నడుం విరిచాడు. ఈ ఓవర్ 3వ బంతికి డెవాన్ కాన్వే, 5వ బంతికి కేన్ విలియమ్సన్, చివరి 6వ బంతికి రచిన్ రవీంద్రలను అవుట్ చేసి సంచలనం సృష్టించాడు. టెస్ట్ క్రికెట్ చరిత్రలో ఒక టెస్ట్ మ్యాచ్లో తను వేసిన ఫస్ట్ ఓవర్లోనే 3 లేదా అంతకంటే ఎక్కువ వికెట్లు తీసిన తొలి ఇంగ్లాండ్ బౌలర్గా ఓలీ రాబిన్సన్ సరికొత్త రికార్డు క్రియేట్ చేశాడు. గతంలో నువాన్ జోయ్సా (శ్రీలంక), ఇర్ఫాన్ పఠాన్ (ఇండియా), డానియల్ వెట్టోరి (న్యూజిలాండ్), హారిస్ సోహైల్ (పాకిస్తాన్), స్కాట్ బోలాండ్ (ఆస్ట్రేలియా), మిచెల్ స్టార్క్ (ఆస్ట్రేలియా) మాత్రమే ఈ ఘనత సాధించారు.
ఇంగ్లాండ్కు 27 రన్స్ స్వల్ప ఆధిక్యం:
రాబిన్సన్ ధాటికి న్యూజిలాండ్ మొదటి ఇన్నింగ్స్ కేవలం 113 రన్స్కే కుప్పకూలింది. రాబిన్సన్ 5 వికెట్ల హాల్ సాధించగా, జోష్ టంగ్ 3 వికెట్లు పడగొట్టాడు. దీంతో ఇంగ్లాండ్ జట్టుకు మొదటి ఇన్నింగ్స్కి 27 రన్స్ స్వల్ప లీడ్ దొరికింది. లార్డ్స్ పిచ్పై బౌలర్లు నిప్పులు చెరుగుతుండటంతో ఈ టెస్ట్ మ్యాచ్ ఇప్పుడు ఆసక్తికరంగా మారింది.
That fifth-wicket feeling 🥰
— England Cricket (@englandcricket) June 5, 2026
🤝 @IGcom pic.twitter.com/aeRVZsTyz3
