శుక్రవారం తెల్లవారుజామున 50 మందితో హైదరాబాద్ వస్తున్న ఆరెంజ్ ట్రావెల్స్ బస్సు ఘోర ప్రమాదానికి గురైంది. నారాయణపేట - హైదరాబాద్ జాతీయ రహదారిపై ఆగి ఉన్న లారీని వెనక నుంచి ఢీకొట్టింది బస్సు. మక్తల్ బస్టాండ్ సమీపంలో జరిగింది ఈ ఘటన. తెల్లవారు జామున అదుపు తప్పి బస్సు లారీని ఢీకొట్టడంతో బస్సు ముందుభాగం ఒకవైపు మొత్తానికి కొట్టుకుపోయింది.
ప్రమాదం జరిగినపుడు బస్సులో 50 మంది ప్రయాణికులు ఉన్నారు. ఈ ప్రమాదంలో ఇద్దరికి గాయాలు అవ్వటంతో దగ్గర్లో ఉన్న ఆస్పత్రికి తరలించారు. ప్రాణ నష్టం జరగకపోవడంతో పెను ప్రమాదం తప్పిందని ఊపిరి పీల్చుకున్నారు. ఆరెంజ్ ట్రావెల్స్ బస్సు రాయిచూర్ నుంచి హైదరాబాద్ కు వెళ్తుండగా ఈ ఘటన ఘటన జరిగింది.
