శ్రీనగర్: భారత్ చేతిలో చావుదెబ్బ తిన్నప్పటికీ పాక్ బుద్ధి మారడం లేదు. గురువారం (మే 8) రాత్రి భారత్ దెబ్బకు కకావికలమైన పాక్ నిసిగ్గుగా మళ్లీ కాల్పులకు తెగబడింది. శుక్రవారం (మే 9) రాత్రి నియంత్రణ రేఖ (ఎల్వోసీ) వెంబడి కాల్పుల విరమణ ఒప్పందాన్ని మరోసారి ఉల్లంఘించింది పాక్ ఆర్మీ. యూరీ సెక్టర్, కుప్వారాలో భారత సైనిక స్థావరాలే లక్ష్యంగా భారీగా కాల్పులకు పాల్పడింది. మిషన్ గన్స్తో భారీగా షెల్లింగ్ చేస్తోంది.
పాక్ కాల్పుల నేపథ్యంలో భారత సైన్యం వెంటనే అప్రమత్తమైంది. పాక్ కాల్పులను ధీటుగా ఎదుర్కొని తిప్పికొట్టింది. బోర్డర్లో పాక్, భారత ఆర్మీ పరస్పర కాల్పుల నేపథ్యంలో మళ్లీ ఉద్రిక్త పరిస్థితి నెలకొంది. ఏ క్షణాన ఏం జరుగుందో అని బోర్డర్ ప్రజలు భయాందోళనకు గురవుతున్నారు. ప్రజలు ఇంట్లోనే ఉండాలని.. బయటకు వెళ్లొద్దని అధికారులు సూచించారు.
