పాక్ మరోసారి కాల్పుల విరమణ ఒప్పందాన్ని అతిక్రమించింది. జమ్మూ కశ్మీర్ లోని రాంపూర్‌లో నియంత్రణ రేఖ వెంట పాకిస్తాన్ శుక్రవారం కాల్పులు జరిపింది. ఈ దాడిలో గాయపడిన ఇద్దరు సైనికులు ఈ రోజు మరణించారు. మరో సైనికుడికి కూడా గాయాలయ్యాయి. శుక్రవారం మధ్యాహ్నం 3:30 గంటలకు జమ్మూ కాశ్మీర్‌లోని బారాముల్లాలో ఈ కాల్పుల విరమణ ఉల్లంఘన జరిగింది. ‘మే 1,2020న, సాయంత్రం 3:30 గంటలకు బారాముల్లాలోని రాంపూర్ సెక్టార్ లో నియంత్రణ రేఖ వెంట పాకిస్తాన్ అప్రకటిత కాల్పుల విరమణ ఉల్లంఘనను ప్రారంభించింది’ అని కల్నల్ రాజేష్ కలియా ఒక ప్రకటనలో తెలిపారు. ఆ దాడికి భారత సైన్యం కూడా తగిన విధంగా స్పందించి ప్రతీకారం తీర్చుకుందని ఆయన అన్నారు. అంతకుముందు ఏప్రిల్ 30న కూడా పాకిస్తాన్ పూంచ్ జిల్లాలో నియంత్రణ రేఖ వెంట కాల్పులు జరిపి కాల్పుల విరమణను ఉల్లంఘించింది.
For More News..
